پاکستان علما کونسل کا 6 فروری کو فتنہ ہندوستان و خوارج کے خلاف یوم مذمت منانے کا اعلان
اشاعت کی تاریخ: 5th, February 2026 GMT
پاکستان علما کونسل نے اعلان کیا ہے کہ 6 فروری جمعۃ المبارک کو ملک بھر میں فتنہ ہندوستان اور خوارج کے خلاف یوم مذمت منایا جائے گا۔ اس موقع پر تمام مکاتب فکر کے علماء، مشائخ، ذاکرین اور واعظین سے اپیل کی گئی ہے کہ وہ بلوچستان میں دہشتگردی کی سازش کی بھرپور مذمت کریں اور پاکستان کی فوج، بلوچستان پولیس اور سلامتی کے اداروں کو خراج تحسین پیش کریں۔
یہ بھی پڑھیں:’وہ دن قریب ہے جب کشمیر بنے گا پاکستان‘، مولانا طاہر اشرفی کا کشمیری عوام سے اظہار یکجہتی
پاکستان علماء کونسل کے مرکزی چیئرمین اور کوآرڈینیٹر وزیر اعظم و قومی پیغام امن کمیٹی حافظ محمد طاہر محمود اشرفی نے ملک کے علما و مشائخ، ذاکرین اور واعظین سے اپیل کی ہے کہ وہ 6 فروری کے خطبات جمعہ میں فتنہ ہندوستان اور خوارج کی جانب سے بلوچستان میں دہشتگردی کرنے کی سازش کے خلاف یوم مذمت کی قراردادیں منظور کریں۔
انہوں نے زور دیا کہ اس موقع پر عوامی اور سرکاری املاک پر حملے، بے گناہ شہریوں کے قتل اور دیگر دہشت گردانہ اقدامات کی سخت مذمت کی جائے۔ ساتھ ہی پاکستان کی فوج، بلوچستان پولیس اور سلامتی کے اداروں کو اس سازش کو ناکام بنانے پر خراج تحسین پیش کیا جائے اور شہداء کے درجات کی بلندی و غازیوں کی صحت یابی کے لیے دعا کی جائے۔
حافظ طاہر محمود اشرفی نے کہا کہ وطن عزیز پاکستان کی سلامتی، استحکام اور امن کے لیے سب کو متحد ہونا ہوگا۔ انہوں نے ملک کے تمام مکاتب فکر کے علماء و مشائخ سے اپیل کی کہ وہ اس یوم مذمت کے ذریعے عوام میں شعور پیدا کریں اور دہشت گردی کی مذمت کے ساتھ قومی یکجہتی کا پیغام دیں۔
یہ بھی پڑھیں:ہر اس عمل کو مسترد کریں گے جو اہل فلسطین کو قبول نہیں ہوگا، طاہر اشرفی کی ڈاکٹر محمود الہباش سے ٹیلیفونک گفتگو
پاکستان علما کونسل کے مطابق، یوم مذمت کے ذریعے نہ صرف بلوچستان میں دہشتگردی کی سازش کے خلاف مضبوط پیغام دیا جائے گا بلکہ عوام کو یہ باور کرایا جائے گا کہ پاکستان کی فوج اور سکیورٹی ادارے ہر خطرے سے نمٹنے کے لیے ہمہ وقت تیار ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: پاکستان علما پاکستان کی یوم مذمت کے خلاف کے لیے
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے