حسینہ واجد کی حوالگی سے متعلق بھارت نے ابھی تک جواب کوئی نہیں دیا، بنگلہ دیشی مشیر خارجہ
اشاعت کی تاریخ: 5th, February 2026 GMT
بنگلہ دیش کے مشیر خارجہ محمد توحید حسین نے کہا ہے کہ بھارت اور بنگلہ دیش کے تعلقات دونوں ممالک کے مختلف قومی مفادات کی وجہ سے رک گئے ہیں۔ انہوں نے یہ بات وزارت خارجہ میں آخری باضابطہ میڈیا بریفنگ کے دوران کہی اور امید ظاہر کی کہ آئندہ منتخب حکومت تعلقات کو بہتر بنا سکے گی۔
یہ بھی پڑھیں:بنگلہ دیش: شیخ حسینہ واجد نے سیاست سے توبہ کرلی، ’عوامی لیگ قائم رہے گی‘، بیٹے کا اعلان
محمد توحید حسین نے کہا کہ عبوری حکومت نے بھارت کے ساتھ تعمیری تعلقات قائم کرنے کی کوشش کی، لیکن دورانیے میں تعلقات ہموار نہیں رہے۔ انہوں نے بتایا کہ کوئی بڑا بحران پیدا نہیں ہوا، لیکن تعلقات میں ٹھہراؤ آ گیا ہے کیونکہ دونوں ممالک اپنے مفادات کے مطابق فیصلے کرتے ہیں جو اکثر ایک دوسرے کے ساتھ مطابقت نہیں رکھتے۔
حسینہ واجد معاملہ اور بھارت کا مؤقفسابق وزیراعظم شیخ حسینہ واجد کے بھارت میں قیام کے حوالے سے توحید حسین نے کہا کہ بنگلہ دیش کو امید رکھنی چاہیے کہ ڈپلومیٹک حل نکلے گا۔ بنگلہ دیش نے ان کی واپسی کے لیے بھارت سے باضابطہ درخواست کی، لیکن ابھی تک کوئی جواب نہیں آیا۔
آئندہ انتخابات میں عوامی لیگ کی شرکت کے حوالے سے سوال پر توحید حسین نے کہا کہ کسی بھی غیر ملکی سفارت کار نے دباؤ ڈالنے کی کوشش نہیں کی۔ انہوں نے یقین دلایا کہ انتخابات ایک ہفتے کے اندر ہوں گے اور نتیجہ عوامی رائے کی عکاسی کرے گا۔
بین الاقوامی معاہدے آئندہ حکومت کے لیے بوجھ نہیںتوحید حسین نے کہا کہ عبوری حکومت نے حالیہ بین الاقوامی معاہدوں کے سلسلے میں آئندہ حکومت کی ذمہ داری آسان بنائی ہے۔ انہوں نے امریکا کے ساتھ تجارتی مذاکرات کا حوالہ دیا، جن میں کسٹمز کی شرح 37 فیصد سے 20 فیصد تک کم کی گئی۔ دفاعی تعاون کے معاملے میں جاپان کے ساتھ معاملات بھی عبوری حکومت نے آگے بڑھائے۔
یہ بھی پڑھیں:وائٹ پیپر جاری: حسینہ واجد دور میں ٹیلی کام بدانتظامی اور بدعنوانی بے نقاب
ویزا حاصل کرنے میں بنگلہ دیشیوں کو مشکلات کا سامنا کرنے کے حوالے سے مشیر خارجہ نے کہا کہ یہ مکمل طور پر ملکی نظام کی ناکامی ہے۔ دستاویزات میں فراڈ کی وجہ سے بین الاقوامی اعتماد متاثر ہوا ہے اور اگر نظامی مسائل حل نہ کیے گئے تو مستقبل میں صورتحال مزید خراب ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
توحید حیسن حسینہ واجد مشیر خارجہ.
ذریعہ
ذریعہ: WE News
کلیدی لفظ: توحید حیسن حسینہ واجد توحید حسین نے کہا کہ حسینہ واجد بنگلہ دیش انہوں نے کے ساتھ
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے