ٹی20 ورلڈ کپ: پاکستان کے بائیکاٹ پر بھارتی کپتان کا مؤقف سامنے آگیا
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بھارتی کرکٹ ٹیم کے کپتان سوریا کمار یادیو نے پاکستان کی جانب سے میچ کے بائیکاٹ کے اعلان کے باوجود واضح کیا ہے کہ بھارتی ٹیم ٹی20 ورلڈ کپ کے شیڈول کے مطابق سری لنکا کے دارالحکومت کولمبو جائے گی، چاہے پاکستان کے خلاف میچ کھیلا جائے یا نہیں۔
خبر رساں اداروں کے مطابق انہوں نے کہا کہ ٹیم نے تمام تر انتظامات مکمل کر لیے ہیں اور وہ آئی سی سی کے طے کردہ شیڈول کی مکمل پابندی کرے گی۔
ممبئی میں میڈیا سے گفتگو کرتے ہوئے سوریا کمار یادیو نے کہا کہ بھارتی ٹیم کا ذہن بالکل واضح ہے اور وہ کسی ابہام کا شکار نہیں۔ ان کا کہنا تھا کہ بھارت نے پاکستان کے ساتھ کھیلنے سے انکار نہیں کیا بلکہ میچ نہ کھیلنے کا فیصلہ پاکستان کی جانب سے سامنے آیا ہے۔
انہوں نے کہا کہ انٹرنیشنل کرکٹ کونسل نے شیڈول ترتیب دیا ہے اور بھارتی کرکٹ بورڈ نے حکومت سے مشاورت کے بعد غیر جانب دار مقام پر کھیلنے کے فیصلے کی حمایت کی تھی۔
بھارتی کپتان نے مزید کہا کہ ٹیم کی ٹکٹیں بک ہو چکی ہیں اور تمام کھلاڑی کولمبو روانہ ہوں گے۔ ان کے مطابق اگلا لائحہ عمل حالات کے مطابق طے کیا جائے گا، تاہم اس وقت بھارت کی جانب سے شیڈول میں کسی قسم کی تبدیلی پر غور نہیں کیا جا رہا۔
واضح رہے کہ بھارت اور سری لنکا کی مشترکہ میزبانی میں ٹی20 ورلڈ کپ 2026 کا آغاز 7 فروری سے ہو رہا ہے جب کہ روایتی حریف پاکستان اور بھارت کے درمیان میچ 15 فروری کو کولمبو میں شیڈول ہے۔ اس میچ کو ایونٹ کا سب سے اہم اور زیادہ توجہ حاصل کرنے والا مقابلہ قرار دیا جا رہا تھا۔
دوسری جانب حکومت پاکستان نے 15 فروری کو بھارت کے خلاف میچ نہ کھیلنے کا اعلان کر رکھا ہے جب کہ آئی سی سی نے پاکستان سے اس فیصلے پر نظرثانی کی درخواست بھی کی تھی۔ مبصرین کے مطابق اگر یہ میچ نہیں ہوتا تو آئی سی سی اور میزبان ممالک کو بھاری مالی نقصان کا سامنا کرنا پڑ سکتا ہے، کیونکہ پاک بھارت مقابلہ ہمیشہ سب سے زیادہ آمدن کا باعث بنتا ہے۔
قوانین کے مطابق اگر پاکستان ٹیم میدان میں نہیں آتی تو بھارتی ٹیم کو شیڈول کے مطابق گراؤنڈ میں حاضر ہونا ہوگا، مخالف ٹیم کا انتظار کیا جائے گا اور بعد ازاں پریس کانفرنس سمیت تمام رسمی تقاضے مکمل کیے جائیں گے، جس کے نتیجے میں بھارت کو 2 پوائنٹس مل سکتے ہیں۔
پاکستان ٹیم 7 فروری کو اپنا پہلا میچ کھیلے گی جب کہ گروپ میں بھارت کے علاوہ نمیبیا، نیدرلینڈز اور امریکا کی ٹیمیں بھی شامل ہیں۔
.
ذریعہ
ذریعہ: Jasarat News
کلیدی لفظ: کے مطابق کہ بھارت کہا کہ
پڑھیں:
سہیل آفریدی کا 10 جون کو قومی اسمبلی کے سامنے دھرنا دینے اور بجٹ کی منظوری روکنے کا اعلان
(ڈیلی پاکستان آن لائن)وزیراعلیٰ خیبرپختونخوا سہیل آفریدی کا کہنا ہے کہ اگر اس مرتبہ بھی انہیں دیوار سے لگانے کی کوشش کی گئی تو 10 جون کو ملک بھر سے پارلیمنٹیرین اسلام آباد پہنچ کر قومی اسمبلی کے سامنے دھرنا دیں گے اور وفاقی بجٹ پاس نہیں ہونے دیں گے۔اڈیالہ روڈ سے روانگی سے قبل میڈیا سے گفتگو میں سہیل آفریدی کا مزید کہنا تھا کہ خیبرپختونخوا حکومت بانی پی ٹی آئی کی جماعت کی حکومت ہے اور صوبے کے عوام نے بانی پی ٹی آئی کو ووٹ دیا ہے، اس لیے عوام کی خواہش ہے کہ صوبائی بجٹ ان کی ہدایات اور ترجیحات کے مطابق مرتب کیا جائے۔انہوں نے کہا کہ وہ چاہتے ہیں کہ بجٹ کے حوالے سے بانی پی ٹی آئی سے ملاقات کر کے ان کی منظوری حاصل کی جائے۔
وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات، امن عامہ کی صورتحال اور اہم امور پر تبادلۂ خیال
سہیل آفریدی نے اعلان کیا کہ وہ کل اسلام آباد ہائیکورٹ میں ایک درخواست دائر کریں گے اور امید ہے کہ اس مرتبہ ملاقات کی اجازت مل جائے گی۔ انہوں نے الزام عائد کیا کہ آج بھی بانی پی ٹی آئی کے اہل خانہ کو ملاقات کی اجازت نہیں دی گئی۔وزیراعلیٰ خیبرپختونخوا نے کہا کہ بانی پی ٹی آئی نے کوئی جرم نہیں کیا بلکہ انہیں ناحق قید رکھا گیا ہے۔ ان کے بقول پنجاب حکومت اور جیل انتظامیہ کی غفلت کے باعث بانی پی ٹی آئی کی آنکھ میں مسئلہ پیدا ہوا جبکہ عوام میں اس بات پر تشویش پائی جاتی ہے کہ ملاقاتوں پر پابندی کیوں عائد کی جا رہی۔
مایوسی کا دور ختم ، ہم ایک ماہ میں پوسٹ حج آپریشن کامیابی سے مکمل کریں گے: کنٹری منیجر ظہیرالدین آغا
سہیل آفریدی نے کہا کہ خیبرپختونخوا کے عوام نے بانی پی ٹی آئی کو مینڈیٹ دیا ہے اور صرف وہی وزیراعلیٰ کو تبدیل کرنے کا اختیار رکھتے ہیں۔ انہوں نے بتایا کہ وفاقی وزیر داخلہ محسن نقوی سے ان کی ملاقات بیرسٹر گوہر کی درخواست پر ہوئی تھی، علاقائی صورتحال پر گفتگو کرتے ہوئے انہوں نے کہا کہ افغانستان پاکستان کا برادر اسلامی ملک ہے اور کسی کی خوشنودی کے لیے دونوں ممالک کے تعلقات خراب نہیں ہونے چاہئیں۔
ان کا کہنا تھا کہ بانی پی ٹی آئی ہمیشہ یہ مؤقف رکھتے ہیں کہ جنگ کسی مسئلے کا حل نہیں اور پاکستان کو خطے میں ثالثی کا کردار ادا کرنا چاہیے، خیبرپختونخوا کے آئندہ بجٹ میں سماجی بہبود، تعلیم اور صحت کے شعبوں کو ترجیح دی گئی ہے۔کرپشن کے الزامات کے حوالے سے وزیراعلیٰ نے کہا کہ ان کے دفتر کے دروازے سب کے لیے کھلے ہیں اور اگر کسی کے پاس کرپشن کے ثبوت ہیں تو وہ سامنے لائے۔
بری طرح تھکا ہوا تھا، خستہ حال بے خوابی سے بوجھل سوجی آنکھوں میں نیند کی شدت کا درد، آتے ہی چارپائی پر ایسا گرا کہ شام تک ہوش ہی نہیں آیا
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے