پی ٹی آئی رہنماؤں کی رجسٹرار سپریم کورٹ سے ملاقات، بانی کی رپورٹس فراہم کرنے کی درخواست
اشاعت کی تاریخ: 6th, February 2026 GMT
---فائل فوٹو
بیرسٹر گوہر، سلمان اکرم راجہ اور لطیف کھوسہ نے رجسٹرار سپریم کورٹ سے ملاقات میں بانیٔ پی ٹی آئی سے ملاقات اور میڈیکل رپورٹس پر یادداشت پیش کر دی۔
اس موقع پر بیرسٹر گوہر نے کہا کہ ہم نے اپنی یادداشت رجسٹرار سپریم کورٹ کو پیش کر دی ہے اور دوبارہ درخواست کی ہے کہ بانی کی رپورٹس فراہم کی جائیں۔
لطیف کھوسہ نے بتایا کہ پمز میں ریٹینا کے علاج کے لیے کوئی ماہر ڈاکٹر موجود نہیں، اس لیے درخواست کی گئی ہے کہ شفا انٹرنیشنل کے ڈاکٹر کو بھیجا جائے، بانیٔ پی ٹی آئی کا دوبارہ چیک اپ کرایا جائے۔
سپریم کورٹ نے چیف جسٹس پاکستان سے اپوزيشن رہنماؤں کی ملاقات کا اعلامیہ جاری کردیا۔
سلمان اکرم راجہ نے سپریم کورٹ کے باہر میڈیا سے گفتگو کرتے ہوئے کہا کہ 8 فروری کو پہیہ جام ہڑتال کی کال دی گئی ہے۔
ان کا کہنا ہے کہ ہم آج بھی آئین اور قانون کی پاسداری کے لیے آئے ہیں اور چاہتے ہیں کہ یہ ملک پھلے پھولے اور ترقی کرے۔
.
ذریعہ
ذریعہ: Jang News
کلیدی لفظ: سپریم کورٹ پی ٹی آئی
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ