نواز شریف کا بسنت تقریبات میں شرکت کا اعلان، اندرونِ شہر پروگرام ترتیب
اشاعت کی تاریخ: 6th, February 2026 GMT
لاہور میں بسنت کی بحالی کے موقع پر پاکستان مسلم لیگ (ن) کے قائد نواز شریف بھی بسنت کی بعض تقاریب میں شرکت کریں گے۔
نواز شریف نے ایک دن اندرونِ شہر بسنت منانے کا خصوصی پروگرام ترتیب دیا ہے، جس میں انہوں نے اپنے قریبی اور پرانے دوستوں کو مدعو کیا ہے۔
ذرائع کے مطابق اس موقع پر نواز شریف اندرونِ شہر کی فضا میں پرانی یادیں تازہ کریں گے اور لاہوری ثقافت سے جڑے روایتی رنگوں کو قریب سے محسوس کریں گے۔ نواز شریف کو لاہوری کلچر سے گہری وابستگی حاصل ہے اور بسنت کے حوالے سے بھی ان کا کردار ہمیشہ نمایاں رہا ہے۔
بتایا گیا ہے کہ گزشتہ کئی ماہ سے نواز شریف اس بات پر غور و فکر اور مشاورت کرتے رہے کہ بسنت کو محفوظ انداز میں کیسے بحال کیا جا سکتا ہے۔ اس سلسلے میں انہوں نے پنجاب کے کلچر اور ثقافتی سرگرمیوں سے دلچسپی رکھنے والے مختلف افراد اور حلقوں سے متعدد ملاقاتیں بھی کیں۔
نواز شریف بچپن اور لڑکپن کا خاصا وقت اندرونِ شہر لاہور میں گزار چکے ہیں اور بسنت کو پنجاب کا روایتی موسمی تہوار قرار دیتے ہیں۔ ان کا مؤقف ہے کہ بسنت نہ صرف پنجاب کے کلچر کو اجاگر کرتی ہے بلکہ اس سے معاشی سرگرمیوں میں بھی اضافہ ہوتا ہے۔
واضح رہے کہ لاہور میں 6 سے 8 فروری تک بسنت کا تہوار منایا جا رہا ہے، جس کے لیے صوبائی حکومت، انتظامیہ اور شہریوں کی جانب سے بھرپور انتظامات کیے گئے ہیں اور شہر بھر میں جشن کا سماں ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل نواز شریف
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار