کراچی: بہادرآباد میں ڈکیتی کاواقعہ، متاثرہ شہری نے پولیس کا سونا ریکوری کا دعویٰ غلط قرار دیدیا
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی کے علاقے بہادرآباد میں شہری سے 200 تولہ سونا اور ایک لاکھ امریکی ڈالر لوٹنے کے واقعے کے بعد متاثرہ شہری سید معاذ علی کا ویڈیو بیان سامنے آ گیا ہے، جس میں انہوں نے پولیس کی جانب سے ریکوری کے دعوؤں کو مسترد کر دیا ہے۔
سید معاذ علی کا کہنا ہے کہ پولیس کی جانب سے 200 تولہ سونا برآمد کرنے کا دعویٰ درست نہیں، حقیقت یہ ہے کہ انہیں صرف 10 فیصد سونا واپس ملا ہے جبکہ باقی 90 فیصد سونا ڈاکو لے جانے میں کامیاب ہو گئے۔
متاثرہ شہری کے مطابق وہ گھر کی پارکنگ میں گاڑی کھڑی کر رہے تھے کہ ایک موٹر سائیکل پر سوار تین مسلح افراد آئے اور اسلحے کے زور پر 200 تولہ سونا اور ایک لاکھ ڈالر چھین کر فرار ہو گئے۔
یاد رہے کہ 3 فروری کو بہادرآباد کے علاقے فاران سوسائٹی کے رہائشی شہری بینک لاکر سے 200 تولہ سونا اور ایک لاکھ امریکی ڈالر لے کر گھر پہنچے تھے۔ جیسے ہی گھر کا دروازہ کھلا، موٹر سائیکل سوار مسلح ملزمان گیراج میں داخل ہو گئے اور زیورات و نقدی چھین کر فرار ہو گئے۔
شہری نے ملزمان کا کچھ فاصلے تک تعاقب بھی کیا، تاہم تیز رفتاری کے باعث ایک بڑے اسپیڈ بریکر پر موٹر سائیکل بے قابو ہو گئی اور ملزمان گر پڑے، جس سے زیورات سڑک پر بکھر گئے۔ اس دوران اطراف میں موجود سکیورٹی گارڈز کو دیکھ کر ملزمان موقع سے فرار ہو گئے۔
اطلاع ملنے پر پولیس موقع پر پہنچی اور زیورات تحویل میں لے لیے، تاہم پولیس نے دعویٰ کیا تھا کہ 90 فیصد سونا برآمد کر لیا گیا ہے جبکہ ملزمان کی گرفتاری کے لیے تلاش جاری ہے۔
ذریعہ
ذریعہ: Jasarat News
پڑھیں:
کرایہ داری ایکٹ کی خلاف ورزی پر کریک ڈاؤن تیز، 5600 سے زائد ملزمان گرفتار
عرفان ملک:لاہور پولیس نے کرایہ داری ایکٹ کی خلاف ورزی کرنے والوں کے خلاف کریک ڈاؤن میں مزید تیزی لاتے ہوئے رواں سال اب تک 5600 سے زائد ملزمان کو گرفتار کر لیا ہے.
ترجمان لاہور پولیس کے مطابق اقبال ٹاؤن ڈویژن میں کرایہ داری ایکٹ کی خلاف ورزی پر سب سے زیادہ 2132 ملزمان گرفتار کیے گئے، جبکہ صدر ڈویژن میں 1555 اور سٹی ڈویژن میں 1040 افراد کو حراست میں لیا گیا, شہر کے مختلف تھانوں میں 651 مقدمات کا اندراج بھی یقینی بنایا گیا ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
سی سی پی او لاہور بلال صدیق کمیانہ نے کہا ہے کہ کرایہ داری ایکٹ پر سختی سے عملدرآمد یقینی بنایا جا رہا ہے کیونکہ جرائم پیشہ عناصر کی شناخت اور ان کی نقل و حرکت پر نظر رکھنے کے لیے کرایہ داری رجسٹریشن انتہائی ضروری ہے۔
انہوں نے کہا کہ غیر رجسٹرڈ کرایہ داروں کی آڑ میں جرائم پیشہ افراد پناہ لے سکتے ہیں، اس لیے قانون کی خلاف ورزی کرنے والوں کے خلاف بلاامتیاز کارروائی جاری رہے گی اور غیر قانونی یا مشکوک افراد کو کرائے پر جگہ فراہم کرنے والے مالکان کے خلاف بھی قانونی کارروائی عمل میں لائی جائے گی۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
بلال صدیق کمیانہ نے مکان مالکان، کرایہ داروں اور پراپرٹی ڈیلرز کو ہدایت کی کہ وہ فوری طور پر کرایہ داری ایکٹ پر عملدرآمد یقینی بنائیں اور تمام ضروری کوائف متعلقہ پولیس ریکارڈ میں درج کروائیں تاکہ شہر میں امن و امان کی صورتحال کو مزید بہتر بنایا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ