دُبئی: محسن نقوی کی ورلڈ گورنمنٹس سمٹ میں شرکت، اہم ملاقاتیں
اشاعت کی تاریخ: 6th, February 2026 GMT
دُبئی:(ویب ڈیسک) وفاقی وزیر داخلہ محسن نقوی نے دُبئی میں ورلڈ گورنمنٹس سمٹ میں شرکت کی، جس میں دنیا بھر کے رہنماؤں اور بین الاقوامی ماہرین نے حصہ لیا۔ اس دوران محسن نقوی نے یو اے ای کے نائب وزیر اعظم و وزیر داخلہ لیفٹیننٹ جنرل شیخ سیف بن زید النہیان اور روانڈا کے وزیر داخلہ ڈاکٹر ونسنٹ بیروٹا سے ملاقاتیں کیں۔
پاک-یو اے ای وزرائے داخلہ نے دوطرفہ تعلقات کو مزید مستحکم بنانے اور مشترکہ مفادات کے شعبوں میں تعاون بڑھانے پر اتفاق کیا۔ محسن نقوی نے کہا کہ متحدہ عرب امارات کے پولیسنگ نظام سے عملی استفادہ کے لیے ایکسچینج پروگرامز فائدہ مند ثابت ہوں گے۔
ملاقات میں آن لائن ٹیررازم اور ٹیررازم فنانسنگ کی روک تھام کے لیے مشترکہ حکمت عملی مرتب کرنے کا فیصلہ بھی کیا گیا۔ وزیر داخلہ محسن نقوی اور روانڈا کے وزیر داخلہ نے دوطرفہ تعلقات اور باہمی تعاون کے شعبوں میں اشتراک بڑھانے پر تبادلہ خیال کیا اور دونوں وزارتوں کے درمیان کوآرڈینیشن بہتر بنانے کے لیے فوکل پرسن مقرر کرنے پر اتفاق کیا۔
اس موقع پر محسن نقوی نے اے سی سی کے ہیڈکوارٹر کا بھی دورہ کیا۔ روانڈا کے وزیر داخلہ نے کہا کہ وہ پاکستان کے اداروں کے ساتھ اشتراک کار بڑھانا چاہتے ہیں۔
.
ذریعہ
ذریعہ: Daily Mumtaz
کلیدی لفظ: محسن نقوی نے وزیر داخلہ
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ