اسلام آباد کی مسجد میں خودکش حملہ، امریکا کی مذمت
اشاعت کی تاریخ: 6th, February 2026 GMT
پاکستان میں امریکی ناظم الامور نیٹلی اے بیکر کا کہنا ہے کہ ان کا ملک جمعے کو اسلام آباد میں ہونے والے دہشتگرد حملے کی شدید مذمت کرتا ہے جس کے نتیجے میں بے گناہ نمازی جاں بحق اور زخمی ہوئے۔
یہ بھی پڑھیں: اسلام آباد: ترلائی کی مسجد میں دھماکا، 30 سے زیادہ افراد جاں بحق، 80 سے زائد زخمی
اپنے بیان میں نیٹلی بیکر نے کہا کہ امریکا اس واقعے سمیت ہر قسم کی دہشتگردی اور تشدد کی مذمت کرتا ہے۔
انہوں نے کہا کہ وہ امریکا کی جانب سے میں اس حملے میں زخمی اور جاں بحق ہونے والوں کے اہلخانہ اور عزیزو اقارب سے دلی تعزیت اور ہمدردی کا اظہار کرتی ہیں۔
نیٹلی بیکر کا کہنا تھا کہ شہریوں اور عبادت گاہوں کے خلاف دہشتگردی اور انہیں نشانہ بنانا ناقابل قبول ہے۔ ان کا مزید کہنا تھا کہ پاکستانی عوام حفاظت اور وقار کے ساتھ اور خوف کے بغیر اپنے عقیدے پر عمل کرنے کے حقدار ہیں۔
ناظم الامور نے کہا کہ امریکا امن و سلامتی کے فروغ کے لیے پاکستان کی کوششوں کی حمایت جاری رکھے ہوئے ہے اور استحکام کے لیے اپنی شراکت داری پر قائم ہے۔
مزید پڑھیے: اسلام آباد امام بارہ گاہ میں خود کش دھماکا بھارت کی سرپرستی میں کیا گیا، وزیر مملکت برائے داخلہ کی میڈیا سے گفتگو
انہوں نے مزید کہا کہ ہم اس مشکل وقت میں پاکستان کے ساتھ کھڑے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد خودکش حملہ امریکا امریکا کی اسلام آباد دھماکے کی مذمت امریکی ناظم الامور نٹالی اے بیکر.
ذریعہ
ذریعہ: WE News
کلیدی لفظ: اسلام آباد خودکش حملہ امریکا کہا کہ
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع