ٹی20 ورلڈکپ: پاکستان کا بھارت سے کھیلنے سے انکار، بھارتی کپتان کا موقف سامنے آگیا
اشاعت کی تاریخ: 6th, February 2026 GMT
آئی سی سی ٹی20ورلڈکپ میں پاکستان کے بھارت کے خلاف میچ نہ کھیلنے کے فیصلے کے بعد بھارتی ٹیم کے کپتان سوریا کمار یادیو نے اپنا ردعمل پیش کر دیا ہے۔
حکومت پاکستان کے فیصلے کے تحت قومی ٹیم 15 فروری کو بھارت کے خلاف کھیلنے سے دستبردار ہو گی، اس کے جواب میں بھارتی سوریا کمار یادیو نے کہا کہ بھارتی ٹیم کولمبو ضرور پہنچے گی، اور پاکستان کی جانب سے کھیلنے سے انکار ہوا ہے، نہ کہ بھارتی ٹیم نے کوئی انکار کیا۔
یہ بھی پڑھیں: ٹی20 ورلڈ کپ: پاکستان بھارت میچ نہ ہونے سے بھارتی براڈکاسٹرز کو اربوں روپے کا مالی نقصان متوقع
ممبئی میں ٹیموں کے کپتانوں کے لیے منعقدہ میڈیا بریفنگ میں بھارتی کپتان نے بتایا کہ آئی سی سی نے میچوں کا شیڈول بنایا، جبکہ بی سی سی آئی اور بھارتی حکومت نے مشاورت کے بعد میچ نیوٹرل وینیو پر کھیلنے کا فیصلہ کیا۔
انہوں نے کہا کہ کولمبو کے لیے فلائٹ بک ہو چکی ہے اور ٹیم وہاں جا رہی ہے، آگے کیا ہوتا ہے وہ بعد میں دیکھیں گے۔
یہ بھی پڑھیں: پاکستان ٹیم ٹی 20 ورلڈ کپ کے لیے تیار، پہلا معرکہ کل نیدرلینڈز کے خلاف
پاکستان کے خلاف میچ سے متعلق ٹیم کے شیڈول اور ماحول پر بات کرتے ہوئے سوریا کمار نے کہا کہ ٹیم کی پلاننگ بالکل واضح ہے، پہلے 7 فروری کو شیڈول کے مطابق میچ، پھر 12 فروری کو نمیبیا کے خلاف مقابلہ، اور اس کے بعد کولمبو روانگی ہوگی۔
انہوں نے مزید کہا کہ موجودہ صورتحال کا فیصلہ ان کے اختیار میں نہیں ہے، لیکن اگر 15 فروری کو کھیلنے کا کہا گیا تو بھارتی ٹیم یقینی طور پر میچ کھیلے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی بھارت پاکستان ٹی20 ورلڈ کپ سوریا کمار یادیو کرکٹ.
ذریعہ
ذریعہ: WE News
کلیدی لفظ: بھارت پاکستان ٹی20 ورلڈ کپ سوریا کمار یادیو کرکٹ بھارتی ٹیم سوریا کمار فروری کو کے خلاف کے لیے کہا کہ
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ