جماعتِ اسلامی کے امیر کی بی این پی چیئرمین کو براہِ راست عوامی مباحثے کی دعوت
اشاعت کی تاریخ: 7th, February 2026 GMT
بنگلہ دیش جماعتِ اسلامی کے امیر ڈاکٹر شفیق الرحمان نے بنگلہ دیش نیشنلسٹ پارٹی (بی این پی) کے چیئرمین طارق رحمان کو براہِ راست عوامی اور ٹیلی ویژن پر نشر ہونے والے مباحثے میں شرکت کی دعوت دے دی ہے، جس میں دونوں رہنما اپنے سیاسی نظریات اور انتخابی منشور قوم کے سامنے پیش کریں گے۔
معروف بنگلہ دیشی اخبار ’ڈیلی سٹار‘ کے مطابق ڈاکٹر شفیق الرحمان نے اپنے تصدیق شدہ فیس بک اکاؤنٹ پر رات تقریباً 8 بجے جاری بیان میں کہا کہ بنگلہ دیش میں سیاسی جواز صرف آزاد، منصفانہ اور شفاف انتخابات کے ذریعے ہی حاصل کیا جا سکتا ہے۔
انہوں نے لکھا کہ شفافیت اور اعتماد کے بغیر کوئی بھی انتخابی نتیجہ عوام کا اعتماد حاصل نہیں کر سکتا۔
نوجوانوں کے لیے نئی سیاسی روایتجماعتِ اسلامی کے امیر نے جولائی کے بعد پیدا ہونے والی سیاسی صورتحال کا حوالہ دیتے ہوئے کہا کہ ملک کی نوجوان نسل سیاست میں ایک نئی، مہذب اور غیر تصادمی روایت کی حقدار ہے۔
ان کا کہنا تھا کہ سیاسی قیادت کو یہ ثابت کرنا ہوگا کہ سیاست شائستگی، برداشت اور دلیل کے ساتھ بھی کی جا سکتی ہے۔
براہِ راست مکالمے کی تجویزڈاکٹر شفیق الرحمان نے تجویز دی کہ وہ اور طارق رحمان میڈیا اور عوام کے سامنے ایک ساتھ آ کر براہِ راست مکالمہ کریں، جہاں دونوں جماعتیں اپنے انتخابی منشور پیش کریں اور عوام خود فیصلہ کریں کہ کون سا وژن بہتر ہے۔
انہوں نے کہا کہ اس طرح کی سیاست تنقید برداشت کرنے والی، جواب دہ اور شفاف ہوگی۔
جماعتِ اسلامی کے امیر نے مزید کہا
’آئیے! بنگلہ دیش کے لیے ایک نئے باب کا آغاز کریں، جہاں ہم سب عوام کے فیصلے کا احترام کرنے کا عہد کریں۔‘
خبر کے مطابق بی این پی کی جانب سے تاحال اس دعوت پر کوئی باضابطہ ردعمل سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش جماعت اسلامی بنگلہ دیش نیشنلسٹ پارٹی شفیق الرحمان.
ذریعہ
ذریعہ: WE News
کلیدی لفظ: بنگلہ دیش جماعت اسلامی بنگلہ دیش نیشنلسٹ پارٹی شفیق الرحمان اسلامی کے امیر شفیق الرحمان بنگلہ دیش بی این پی
پڑھیں:
متوسط اور تنخواہ دار طبقہ پس رہا ہے، حکومت بجٹ میں سہولیات دے، حافظ نعیم الرحمن
امیر جماعت اسلامی پاکستان نے خبردار کیا کہ موجودہ بدترین ٹیکس نظام کی وجہ سے پروفیشنل افراد اور ماہرین تیزی سے ملک چھوڑ رہے ہیں، جو ایک خوفناک رجحان ہے۔ اگر یہ صورتحال برقرار رہی تو یہ ملک کے مستقبل کے لیے تباہ کن ثابت ہو سکتی ہے۔ انہوں نے حکومت پر زور دیا کہ وہ عوامی مشکلات کا ادراک کرتے ہوئے آئندہ بجٹ میں ٹیکس اصلاحات اور ریلیف پیکج کا اعلان کرے تاکہ عوام کو معاشی مشکلات سے نجات مل سکے۔ اسلام ٹائمز۔ امیر جماعت اسلامی پاکستان حافظ نعیم الرحمن نے حکومت سے مطالبہ کیا ہے کہ آئندہ بجٹ میں تنخواہ دار اور مڈل کلاس طبقے کو فوری ریلیف فراہم کیا جائے اور ان پر عائد بھاری ٹیکسوں میں نمایاں کمی کی جائے۔ سماجی رابطے کی ویب سائٹ ایکس پر اپنے بیان میں حافظ نعیم الرحمن نے کہا کہ حکومت نے متوسط اور تنخواہ دار طبقے سے 605 ارب روپے انکم ٹیکس وصول کیا ہے، جبکہ یہی طبقہ اس وقت شدید معاشی دباؤ کا شکار ہے۔ انہوں نے کہا کہ بچوں کی تعلیم، بجلی اور گیس کے بھاری بل، مہنگا پٹرول، ناجائز لیوی، اشیائے خورونوش پر ٹیکس، صحت و علاج کے بڑھتے ہوئے اخراجات اور مہنگائی کے طوفان نے عوام کی زندگی اجیرن بنا دی ہے۔ امیر جماعت اسلامی نے کہا کہ حکومتی اقدامات اور معاشی پالیسیوں نے عوام کا جینا محال کر دیا ہے، اس لیے حکومت کو بجٹ میں فوری ریلیف کے اقدامات کرنے چاہیئے۔
امیر جماعت اسلامی نے مطالبہ کیا کہ ماہانہ ایک لاکھ 25 ہزار روپے تنخواہ پر عائد انکم ٹیکس مکمل طور پر ختم کیا جائے، جبکہ اس سے زیادہ تنخواہ حاصل کرنے والے افراد کے لیے انکم ٹیکس کی شرح کم از کم آدھی کی جائے۔ انہوں نے مزید کہا کہ زیادہ سے زیادہ ٹیکس کی شرح 35 فیصد سے کم کرکے 15 فیصد مقرر کی جائے تاکہ تنخواہ دار اور پیشہ ور طبقے کو ریلیف مل سکے۔ حافظ نعیم الرحمن نے خبردار کیا کہ موجودہ بدترین ٹیکس نظام کی وجہ سے پروفیشنل افراد اور ماہرین تیزی سے ملک چھوڑ رہے ہیں، جو ایک خوفناک رجحان ہے۔ اگر یہ صورتحال برقرار رہی تو یہ ملک کے مستقبل کے لیے تباہ کن ثابت ہو سکتی ہے۔ انہوں نے حکومت پر زور دیا کہ وہ عوامی مشکلات کا ادراک کرتے ہوئے آئندہ بجٹ میں ٹیکس اصلاحات اور ریلیف پیکج کا اعلان کرے تاکہ عوام کو معاشی مشکلات سے نجات مل سکے۔
وزارت آئی ٹی نے 1.67 ارب روپے سے زاید کے فنڈز طلب کرلیے