منی پور، ہڑتال کی وجہ سے نظام زندگی مفلوج ہو کر رہ گیا
اشاعت کی تاریخ: 7th, February 2026 GMT
ہڑتال کی وجہ سے ضلع بھر میں بازار، دکانیں اور تجارتی مراکز تعلیمی ادارے بند جبکہ دفاتر میں حاضری کم رہی جبکہ سڑکوں پر ٹریفک معطل رہی۔ اسلام ٹائمز۔ شورش زدہ بھارتی ریاست منی پور میں قبائلی تنظیموں کی کال پر ضلع چورا چند پور میں ہڑتال سے معمولات زندگی بری طرح متاثر رہے۔ ذرائع کے مطابق قبائلی تنظیموں نے ریاستی حکومت کی تشکیل میں کیمونٹی سے تعلق رکھنے والے ایم ایل کی شرکت کے خلاف پورے ضلع میں ہڑتال کی کال دی تھی۔ ہڑتال کی وجہ سے ضلع بھر میں بازار، دکانیں اور تجارتی مراکز تعلیمی ادارے بند جبکہ دفاتر میں حاضری کم رہی جبکہ سڑکوں پر ٹریفک معطل رہی۔ ہڑتال کی وجہ سے پورے ضلع بھر معمولات زندگی مفلو ج ہو کر رہ گئے۔ کوکی اسٹوڈنٹس آرگنائزیشن کے چوراچند پور یونٹ اور جوائنٹ فورم آف سیون نے ضلع میں ہڑتال کی کال دی تھی۔ضلعی ہیڈکوارٹر ٹوئی بگ میں بھی ہڑتال کی وجہ سے ضلع میں حالات کشیدہ رہے جبکہ ضلعی ہیڈکوارٹر کے اہم مقامات پر بھارتی فورسز کی اضافی نفری کو تعینات کیا گیا تھا۔ ادھر کوکی ویمن آرگنائزیشن فار ہیومن رائٹس نے ریاستی حکومت کی تشکیل میں کوکی زو ایم ایل اے کی شمولیت کے خلاف ایک احتجاجی ریلی نکالی۔
جمعرات کی شام، ٹیوبونگ جنگل کے قریب مظاہرین اور بھارتی فورسز کے درمیان جھڑپیں ہوئیں۔ پتھرائو کے بعد فورسز نے مظاہرین کو منتشر کرنے کے لیے لاٹھی چارج اور آنسو گیس کا استعمال کیا۔ جھڑپوں میں متعدد مظاہرین زخمی بھی ہوئے ہیں۔ واضح رہے کہ مئی 2023ء میں منی پور سے ہندو اکثریتی میتی اور عیسائی اکثریتی کوکی زو قبائل کے درمیان پرتشدد جھڑپوں کے دوران 250سے زائد افراد ہلاک ہو چکے ہیں جن میں بیشتر مسیحی ہیں جبکہ اس دوران 60ہزار سے زائد بے گھر ہوئے ہیں اور سیکڑوں گرجا گھروں اور مسیحی برادری کے علاقوں کو تباہ کر دیا گیا۔
ذریعہ
ذریعہ: Islam Times
کلیدی لفظ: ہڑتال کی وجہ سے
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے