پاکستان میں دہشتگردی کا ماسٹر منصوبہ ساز بھارت جبکہ افغانستان سہولت کار ہے، برگیڈیئر آصف ہارون راجہ
اشاعت کی تاریخ: 7th, February 2026 GMT
پاکستان میں دہشتگردی کے تازہ واقعات کے پس منظر میں برگیڈیئر (ریٹائرڈ) آصف ہارون راجہ نے وی نیوز کے ساتھ خصوصی انٹرویو میں کہا ہے کہ بلوچستان میں ہونے والے حالیہ حملے بھارت کی سرپرستی اور افغانستان کی سہولت کاری کے نتیجے میں کیے گئے۔ ان کے مطابق بی ایل اے نے بلوچستان کے 12 اضلاع میں مربوط حکمتِ عملی کے تحت عوامی مقامات کو نشانہ بنایا، مگر پاک فوج کی بروقت اور مؤثر کارروائی نے دہشتگردوں کے عزائم ناکام کر دیے۔
یہ بھی پڑھیں:اسلام آباد خودکش حملہ، محسن نقوی کی مکمل تحقیقات اور ملوث عناصر کی فوری گرفتاری کی ہدایت
بی ایل اے کے حملے اور پاک فوج کی جوابی کارروائیبرگیڈیئر آصف ہارون کے مطابق 31 جنوری کو بی ایل اے نے بلوچستان میں 12 مختلف مقامات پر حملے کیے، جن میں عوامی مقامات کو نشانہ بنایا گیا۔ ان کے بقول دہشتگرد اتنے طاقتور نہیں کہ پاک فوج کے ساتھ براہِ راست مقابلہ کر سکیں۔ پاک فوج نے ایک گھنٹے کے اندر دہشتگردوں کو جواب دینا شروع کیا اور انہیں بیک فٹ پر ڈال دیا۔ بی ایل اے کی کل تعداد تقریباً 1500-1600 ہے، اور اس کارروائی میں 216 دہشتگرد ہلاک ہوئے، جو بی ایل اے کی تقریباً 20 فیصد فوجی طاقت ہے۔
افغانستان اور بھارت کی شمولیتبرگیڈیئر آصف ہارون نے بتایا کہ یہ حملے افغانستان میں موجود سہولت کاروں اور بھارت کی سرپرستی کے تحت کیے گئے۔ ان کا کہنا تھا کہ نائن الیون کے بعد مغربی طاقتوں نے پاکستان کو کمزور کرنے کی کوشش کی تھی، اور بھارت اس وقت شدید تذبذب کا شکار ہے۔
یہ بھی پڑھیں:اسلام آباد امام بارہ گاہ میں خود کش دھماکا بھارت کی سرپرستی میں کیا گیا، وزیر مملکت برائے داخلہ کی میڈیا سے گفتگو
انہوں نے واضح کیا کہ بلوچستان عالمی طاقتوں کی نظر میں ہے، اور ان علاقوں کی جیوسٹریٹجک اہمیت کی وجہ سے عالمی طاقتیں یہاں اپنی مداخلت کرتی ہیں۔
بلوچستان پر عالمی اور خطے کی نظریںریٹائرڈ بریگیڈیئر آصف ہارون کے مطابق بلوچستان کی جغرافیائی حیثیت، معدنی ذخائر، اور بین الاقوامی تجارت کے راستے اس خطے کو عالمی سطح پر اہم بناتے ہیں۔ انہوں نے کہا کہ ان حملوں میں اسرائیل کا بھی کردار ہے، جس کا مقصد بلوچستان میں اثرورسوخ قائم کرنا اور ایران کے بعض حصوں پر اپنی نظریں رکھنا ہے۔
انٹیلی جنس اور دہشتگردی کے عالمی پیٹرنبرگیڈیئر آصف ہارون نے کہا کہ دہشتگرد ہمیشہ وقت اور جگہ کے انتخاب میں آزاد ہوتے ہیں، اور انٹرنیشنل تجربہ بھی یہی کہتا ہے۔ انہوں نے انٹیلی جنس کی ناکامی کے الزام کو رد کرتے ہوئے کہا کہ یہ ایک عام غلط فہمی ہے، اور نائن الیون جیسے بڑے حملے بھی اسی پیٹرن کے تحت کیے گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد افغانستان برگیڈیئر (ریٹائرڈ) آصف ہارون راجہ بلوچستان بھارت دہشتگردی.
ذریعہ
ذریعہ: WE News
کلیدی لفظ: اسلام اباد افغانستان بلوچستان بھارت دہشتگردی آصف ہارون بی ایل اے بھارت کی پاک فوج
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا