دنیا کا سب سے لمبا جنگلی سانپ پکڑا گیا، عالمی ریکارڈ میں اندراج
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
انڈونیشیا کے علاقے ماروس میں دریافت ہونے والے ایک دیوہیکل جنگلی سانپ نے دنیا بھر میں حیرت کی لہر دوڑا دی ہے، جہاں گینیز ورلڈ ریکارڈ نے اسے اب تک کا سب سے لمبا جنگلی سانپ قرار دے دیا ہے۔
یہ سانپ ریٹیکیولیٹڈ پائتھن کی نسل سے تعلق رکھتا ہے، جو اپنی جسامت اور طاقت کے باعث پہلے ہی دنیا کی مشہور ترین سانپوں کی اقسام میں شمار ہوتا ہے، تاہم اس دریافت نے تمام سابقہ اندازوں کو پیچھے چھوڑ دیا ہے۔
گینیز ورلڈ ریکارڈ کی جانب سے جاری بیان کے مطابق، تفصیلی شواہد اور پیمائش کے بعد یہ بات ثابت ہوئی کہ یہ مادہ سانپ 23 فٹ 8 انچ لمبا ہے، جو اب تک ریکارڈ کیے گئے تمام جنگلی سانپوں میں سب سے زیادہ ہے۔ ماہرین کے مطابق یہ لمبائی ایک عام بس کے برابر سمجھی جا سکتی ہے، جس نے حیاتیات اور جنگلی حیات کے ماہرین کو بھی حیران کر دیا ہے۔
یہ غیر معمولی سانپ اس وقت ماہرِ تحفظِ فطرت بودی پوروانتو، لائسنس یافتہ سانپ پکڑنے والے دیاز نوگراہا اور نیچرل ہسٹری فوٹوگرافر رادو فرینتیو کی نگرانی میں ہے۔ ان ماہرین کا کہنا ہے کہ سانپ کی دیکھ بھال اور حفاظت کو اولین ترجیح دی جا رہی ہے تاکہ اسے قدرتی ماحول کے مطابق محفوظ رکھا جا سکے اور اس پر مزید سائنسی تحقیق بھی ممکن ہو سکے۔
دیاز نوگراہا اور رادو فرینتیو کے مطابق انہیں اس سانپ کے بارے میں طویل عرصے سے افواہوں پر مبنی اطلاعات مل رہی تھیں، جس کے بعد انہوں نے اس غیر معمولی حد تک لمبے اژدہے کی تلاش کا فیصلہ کیا۔
بعد ازاں کئی دنوں کی کوششوں اور جنگلاتی علاقوں کی کھوج کے بعد بالآخر انہوں نے اس سانپ کو دریافت کیا، جسے مقامی زبان میں ’ایبو بیرن‘ یا ’دی بیرونیس‘ کا نام دیا گیا۔
ماہرین کے مطابق عام طور پر ریٹیکیولیٹڈ پائتھن بالغ ہونے پر 9 فٹ 10 انچ سے لے کر 19 فٹ 2 انچ تک لمبا ہوتا ہے، تاہم ماروس میں دریافت ہونے والا یہ سانپ اپنی نسل کے تمام معروف نمونوں سے کہیں زیادہ لمبا ہے۔
حیاتیاتی ماہرین کا کہنا ہے کہ یہ دریافت قدرتی ماحول، خوراک کی دستیابی اور ماحولیاتی توازن کے حوالے سے نئی تحقیق کے دروازے کھول سکتی ہے، جو جنگلی حیات کے تحفظ کے لیے نہایت اہم ثابت ہو سکتی ہے۔
.
ذریعہ
ذریعہ: Jasarat News
کلیدی لفظ: جنگلی سانپ کے مطابق
پڑھیں:
ویپنگ کے نقصانات: نئی تحقیق میں صحت کے سنگین خطرات سے خبردار
اسلام آباد: ویپنگ کے نقصانات سے متعلق سامنے آنے والی نئی تحقیق نے ای سگریٹ استعمال کرنے والوں کے لیے خطرے کی گھنٹی بجا دی ہے۔ ماہرین صحت کا کہنا ہے کہ ویپنگ کو عام سگریٹ کا محفوظ متبادل سمجھنا ایک غلط فہمی ہے، کیونکہ اس کے استعمال سے بھی انسانی صحت پر سنگین منفی اثرات مرتب ہو سکتے ہیں۔
تحقیقی رپورٹ کے مطابق ویپ استعمال کرنے والے افراد کے منہ اور پھیپھڑوں کے خلیوں میں ڈی این اے کو نقصان پہنچنے کے شواہد ملے ہیں۔ ماہرین کے مطابق ڈی این اے میں خرابی مختلف بیماریوں، خصوصاً کینسر کے خطرات میں اضافے کا باعث بن سکتی ہے۔
ماہرین کا کہنا ہے کہ اگرچہ ویپ میں روایتی تمباکو موجود نہیں ہوتا، لیکن اس میں شامل مختلف کیمیکلز اور فلیورز انسانی خلیوں پر منفی اثرات مرتب کر سکتے ہیں۔ تحقیق میں یہ بھی سامنے آیا ہے کہ پوڈ سسٹم پر مبنی ویپ استعمال کرنے والے افراد میں خلیاتی نقصان نسبتاً زیادہ دیکھا گیا۔
سائنس دانوں کے مطابق ویپنگ اور روایتی سگریٹ نوشی کا طریقہ کار مختلف ضرور ہے، تاہم دونوں صورتوں میں جسم کو نقصان پہنچنے کا خطرہ موجود رہتا ہے۔ بعض مطالعات میں ویپ استعمال کرنے والوں کے خلیوں میں ہونے والے ڈی این اے نقصان کی سطح سگریٹ نوش افراد کے قریب پائی گئی۔
ماہرین صحت نے خبردار کیا ہے کہ نوجوانوں میں ویپنگ کا بڑھتا ہوا رجحان مستقبل میں صحت عامہ کے لیے ایک بڑا چیلنج بن سکتا ہے۔ ان کا کہنا ہے کہ ای سگریٹ کو محفوظ متبادل سمجھ کر استعمال کرنے کے بجائے اس سے مکمل اجتناب اختیار کرنا زیادہ بہتر ہے۔
ماہرین نے عوام کو مشورہ دیا ہے کہ وہ ویپنگ کے نقصانات کو سنجیدگی سے لیں اور اپنی صحت کے تحفظ کے لیے ایسی تمام مصنوعات سے حتیٰ الامکان دور رہیں، کیونکہ نئی سائنسی تحقیقات کے نتائج اس بات کی نشاندہی کرتے ہیں کہ ویپنگ بھی انسانی جسم کے لیے خطرناک ثابت ہو سکتی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع