مسنگ پرسن عالمی مسئلہ، سویلینز کا ملٹری ٹرائل ممکن ہے، اعظم نذیر تارڑ کا عاصمہ جہانگیر کانفرنس سے خطاب
اشاعت کی تاریخ: 7th, February 2026 GMT
وفاقی وزیر قانون اعظم نذیر تارڑ نے کہا ہے کہ مسنگ پرسنز کا مسئلہ صرف پاکستان کا نہیں بلکہ دنیا بھر میں موجود ہے، اور قانون کے مطابق بعض حالات میں سویلین کا ملٹری کورٹ میں ٹرائل بھی ہو سکتا ہے۔
اعظم نذیر تارڑ نے عاصمہ جہانگیر کانفرنس سے خطاب میں بتایا کہ وہ خود مسنگ پرسنز کے معاملات کے لیے قائم جوڈیشل کمیشن کا حصہ ہیں اور اس حوالے سے سنجیدگی سے کام کیا جا رہا ہے۔ انہوں نے کہا کہ لاپتا افراد کے لیے ایک ریلیف پیکج متعارف کرایا گیا اور نئی کمیٹی ان معاملات پر مزید توجہ دے گی۔
یہ بھی پڑھیے: پاکستان بار کونسل انتخابات، عاصمہ جہانگیر گروپ کو پنجاب میں سبقت حاصل
وفاقی وزیر نے دہشت گردی کے دوران ہلاک ہونے والے افراد میں اکثر مسنگ پرسنز شامل ہونے کی طرف بھی اشارہ کیا اور کہا کہ حکومت نے سوشل میڈیا پر توہین مذہب کے کیسز کو روکنے کے لیے بھی اقدامات کیے ہیں، جس کے نتیجے میں ایسے کیسز میں کمی دیکھنے کو ملی ہے۔
اعظم نذیر تارڑ نے گھریلو تشدد کے خلاف قانون سازی پر بھی روشنی ڈالی اور کہا کہ اسلام آباد کی حد تک اس قانون کو نافذ کیا جا چکا ہے۔ انہوں نے زور دیا کہ اختلاف رائے کا مطلب لڑائی نہیں بلکہ مہذب معاشرے کی نشانی ہے۔
انہوں نے آئینی ترمیم اور ججز کے اختیارات سے متعلق بھی وضاحت دی، کہا کہ سپریم کورٹ نے ماضی میں کئی اہم فیصلے کیے ہیں لیکن پارلیمنٹ ہی عوام کی نمائندہ ادارہ ہے اور قانون سازی کا اختیار رکھتی ہے۔ انہوں نے مزید کہا کہ 26 ویں آئینی ترمیم کے مسودے پر تمام سیاسی جماعتوں اور سول سوسائٹی سے مشاورت کی گئی۔
یہ بھی پڑھیے: ماما قدیر بلوچ طویل علالت کے بعد 80 سال کی عمر میں انتقال کر گئے
وفاقی وزیر نے ججز کے تبادلے کے نظام کو بہتر بنانے پر بھی روشنی ڈالی اور کہا کہ اگر پنجاب کے ججز کسی صوبے میں خدمات دے سکتے ہیں تو یہ حق دوسرے صوبوں کے عوام کو بھی حاصل ہونا چاہیے۔
اعظم نذیر تارڑ نے واضح کیا کہ وہ ذاتی طور پر سویلین کے ملٹری ٹرائل کے حق میں نہیں ہیں، لیکن نظامِ قانون اور آئین کے تحت جب کوئی ریڈ لائن کراس کرے، جیسے کہ آرمی تنصیبات پر حملہ، تو قانون کے مطابق فوجی عدالتیں ہی مقدمات کا فورم ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Asma Jahangir اعظم نذیر تارڑ عاصمہ جہانگیر مسنگ پرسنز وزیر قانون.
ذریعہ
ذریعہ: WE News
کلیدی لفظ: اعظم نذیر تارڑ عاصمہ جہانگیر اعظم نذیر تارڑ نے عاصمہ جہانگیر انہوں نے کے لیے کہا کہ
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار