کراچی بورڈ کا میٹرک امتحانات کے لیے نیا گریڈنگ سسٹم نافذ کرنے کا اعلان
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی بورڈ نے میٹرک امتحانات کے لیے نیا گریڈنگ سسٹم نافذ کرنے کا اعلان کردیا۔
نجی ٹی وی کی رپورٹ کے مطابق کراچی میں میٹرک اور نائن تھ کلاسز کے لیے تعلیمی نظام میں بڑا اصلاحی قدم اٹھاتے ہوئے بورڈ آف سیکنڈری ایجوکیشن نے نیا گریڈنگ سسٹم متعارف کروا دیا ہے، جس کا اطلاق رواں برس جماعت نہم کے سالانہ امتحانات سے ہوگا جبکہ جماعت دہم کے طلبہ کے لیے یہ نظام سال 2027 سے نافذ العمل ہوگا۔
رپورٹ کے مطابق نئے گریڈنگ سسٹم کا بنیادی مقصد طلبہ کے تعلیمی معیار کو بہتر بنانا اور امتحانی دباؤ کو کم کرنا ہے، اس نظام کے تحت میٹرک میں کامیابی کے لیے کم از کم 40 فیصد نمبر حاصل کرنا لازم ہوگا جبکہ 40 فیصد سے کم نمبر حاصل کرنے والے طلبہ U گریڈ کے حامل ہوں گے اور انہیں دوبارہ امتحان دینے کا موقع دیا جائے گا۔ دلچسپ بات یہ ہے کہ نئے نظام میں فیل کا تصور ختم کر دیا گیا ہے اور اس کے بجائے یو گریڈ (U) متعارف کروا دیا گیا ہے، تاکہ طلبہ کی حوصلہ افزائی کی جا سکے۔
نئے گریڈنگ سسٹم میں اعلیٰ کارکردگی دکھانے والے طلبہ کے لیے بھی خصوصی اقدامات کیے گئے ہیں۔ 96 سے 100 فیصد نمبر حاصل کرنے والے طلبہ کو A++ گریڈ دیا جائے گا، جبکہ دیگر گریڈز بھی نمبر کے تناسب سے تفصیلی طور پر مقرر کیے گئے ہیں تاکہ ہر طالب علم کی کارکردگی کو شفاف انداز میں ظاہر کیا جا سکے۔
مزید برآں، بورڈ نے عبوری طور پر جی پی اے سسٹم کو بھی متعارف کرانے کا فیصلہ کیا ہے، جس کا مقصد طلبہ کی مجموعی تعلیمی کارکردگی کو معیاری اور عالمی معیار کے مطابق جانچنا ہے، یہ اقدام نہ صرف تعلیمی معیار بلند کرے گا بلکہ طلبہ میں مقابلہ جاتی روح کو بھی فروغ دے گا اور مستقبل میں کامیاب طلبہ کی شناخت میں مددگار ثابت ہوگا۔
بورڈ آف سیکنڈری ایجوکیشن کراچی نے والدین اور اساتذہ کو بھی ہدایت دی ہے کہ وہ طلبہ کی تیاری اور اس نئے نظام کے مطابق رہنمائی کریں تاکہ ہر طالب علم اس سے بھرپور فائدہ اٹھا سکے اور تعلیمی سفر میں مثبت نتائج حاصل کرے۔
ذریعہ
ذریعہ: Jasarat News
کلیدی لفظ: گریڈنگ سسٹم کے مطابق طلبہ کی کے لیے
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا