ٹیم کی جیت پر خوش ہوں، اندازہ نہیں تھا کہ آج ایسی اننگز کھیل پاؤں گا، فہیم اشرف
اشاعت کی تاریخ: 7th, February 2026 GMT
ٹی20 ورلڈ کپ کے پہلے میچ میں نمایاں کارکردگی کا مظاہرہ کرنے والے قومی کرکٹ ٹیم کے آل راؤنڈر فہیم اشرف نے کہا ہے کہ ورلڈ کپ جیسے بڑے ایونٹ میں کھیلی جانے والی ہر اننگز اپنی اہمیت رکھتی ہے اور ہمیشہ یاد رہتی ہے۔ اندازہ نہیں تھا کہ آج ایسی اننگز کھیل پاؤں گا۔
کولمبو میں میڈیا سے گفتگو کرتے ہوئے انہوں نے کہاکہ وہ اس بات سے مطمئن ہیں کہ ٹیم میچ جیتنے میں کامیاب رہی، کرکٹ میں یہ ممکن نہیں کہ ہر کھلاڑی ایک ہی دن بہترین کارکردگی دکھائے، جو آج نہ کر سکے وہ آئندہ میچز میں ضرور بہتر کھیل پیش کریں گے۔
مزید پڑھیں: ٹی20 ورلڈ کپ میں فاتحانہ آغاز: محسن نقوی نے قومی ٹیم کی جیت فہیم اشرف کے جڑواں بیٹوں سے منسوب کردی
فہیم اشرف کا کہنا تھا کہ وکٹیں جلدی گرنے کی وجہ سے دباؤ کی صورتحال پیدا ہوئی اور ٹیم کو مضبوط شراکت کی ضرورت تھی، اگر اچھی پارٹنرشپ بن جاتی تو حالات مختلف ہوتے، ابتدا میں پچ پر اسپن تھی تاہم وقت گزرنے کے ساتھ فاسٹ بولرز کے لیے مددگار ہوتی چلی گئی۔
انہوں نے اپنی اننگز کے حوالے سے کہاکہ انہیں اندازہ نہیں تھا کہ وہ اس طرح کی اننگز کھیل پائیں گے، اگرچہ رنز بنانا مشکل ہو رہا تھا مگر انہوں نے دباؤ محسوس نہیں کیا، یہ اننگز ان کے ساتھ ساتھ پاکستان کے لیے بھی یادگار ہے۔
ان کا کہنا تھا کہ ٹیم اور ملک کے لیے اچھی کارکردگی ہمیشہ یاد رہتی ہے، اگر بولنگ کا موقع نہ بھی ملے تو اس سے فرق نہیں پڑتا، اصل بات یہ ہے کہ جب بھی موقع ملے اپنی ذمہ داری نبھائی جائے۔
فہیم اشرف نے کہاکہ آئی سی سی ایونٹ میں یہ ان کی بہترین اننگز ہے، وہ فیلڈنگ میں بھی بھرپور کردار ادا کرنے کی کوشش کرتے ہیں اور شائقین سے اپیل کی کہ ٹیم کو سپورٹ کریں اور دعاؤں میں یاد رکھیں تاکہ پاکستان کے لیے مزید خوشیاں لائی جا سکیں۔
مزید پڑھیں: آئی سی سی ٹی20 ورلڈکپ کا پہلا میچ، سنسنی خیز مقابلے کے بعد پاکستان نے نیدرلینڈز کو شکست دیدی
واضح رہے کہ قومی کرکٹ ٹیم نے ٹی20 ورلڈ کپ کے پہلے میچ میں نیدرلینڈ کو شکست دے کر ایونٹ میں فاتحانہ آغاز کیا ہے، جبکہ آج کے میچ میں فہیم اشرف نے نمایاں کارکردگی کا مظاہرہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹی20 ورلڈ کپ قومی کرکٹ ٹیم نیدرلینڈ شکست وی نیوز یادگار اننگز.
ذریعہ
ذریعہ: WE News
کلیدی لفظ: ٹی20 ورلڈ کپ قومی کرکٹ ٹیم نیدرلینڈ شکست وی نیوز یادگار اننگز ٹی20 ورلڈ کپ فہیم اشرف تھا کہ کے لیے
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا