ٹی 20 ورلڈ کپ کے 9 ایڈیشنز میں کس باؤلر کی کیا کارکردگی رہی؟ جانیے
اشاعت کی تاریخ: 7th, February 2026 GMT
دبئی(نیوز ڈیسک) ٹی 20 ورلڈ کپ کے اب تک کھیلے گئے 9 ایڈیشنز میں 12 باؤلرز ایسے ہیں جنہوں نے ایک اننگز میں 5 وکٹیں حاصل کیں۔
ٹی 20 ورلڈ کپ میں سب سے زیادہ وکٹیں لینے والے باؤلرز کی فہرست میں بنگلا دیش کے شکیب الحسن کا پہلا نمبر ہے، شکیب الحسن نے ٹی 20 ورلڈ کپ 2007ء سے 2022ء تک 36 میچز کھیل کر 50 شکار کیے۔
پاکستان کے شاہد خان آفریدی کا لسٹ میں دوسرا نمبر ہے، بوم بوم آفریدی نے 2007ء سے 2016ء تک 34 میچز میں پاکستان کی نمائندگی کی اور 39 وکٹیں حاصل کیں۔
سری لنکا کے مایہ ناز فاسٹ باؤلر ملنگا کا اس لسٹ میں تیسرا نمبر ہے، ملنگا نے 2007ء سے 2014ء تک 31 میچز کھیل کر 38 کھلاڑیوں کو آؤٹ کیا۔
ایک اننگز میں بہترین باؤلنگ کروانے کا ریکارڈ سری لنکا کے سابق سپین باؤلر اجنتا مینڈس کے پاس ہے جنہوں نے 2012ء میں زمبابوے کے خلاف 4 اوورز میں 8 رنز دے کر6 وکٹیں حاصل کیں۔
.
ذریعہ
ذریعہ: Daily Mumtaz
کلیدی لفظ: ٹی 20 ورلڈ کپ
پڑھیں:
فیفا ورلڈ کپ دیکھنے کیلیے کینیڈا جانیوالے 175 غیر ملکیوں نے سیاسی پناہ مانگ لی
فیفا ورلڈ کپ دیکھنے کے لیے وزٹ ویزہ پر کینیڈا پہنچنے والے درجنوں افراد نے اسائلم کی درخواستیں دائر کر دیں۔
کینیڈا میں ورلڈ کپ کے 13 میچ منعقد ہوئے جن کے لیے حکام نے مجموعی طور پر 26 ہزار سیاحتی ویزے جاری کیے تھے۔ ہزاروں درخواستوں میں سے 50 فیصد سے زائد مسترد کر دی گئی تھیں۔
کینیڈین حکام کے مطابق اب تک 175 افراد سیاسی پناہ کی درخواستیں جمع کرا چکے ہیں جن کا جائزہ امیگریشن اور مہاجرین سے متعلق قوانین کے تحت لیا جائے گا۔
حکام نے یہ واضح نہیں کیا کہ درخواست گزاروں میں کتنے کھلاڑی شامل ہیں، تاہم دستیاب اعداد و شمار کے مطابق گھانا کے 25 جبکہ مصر اور کولمبیا کے 15، 15 شہریوں نے اسائلم کی درخواستیں دی ہیں۔ حکام کا کہنا ہے کہ اس تعداد میں مزید اضافہ بھی ہو سکتا ہے۔
اس سے قبل کینیڈین حکومت خبردار کر چکی تھی کہ فیفا ورلڈ کپ کے لیے جاری کیے گئے سیاحتی ویزے کینیڈا میں مستقل قیام یا سیاسی پناہ حاصل کرنے کا ذریعہ نہیں ہیں اور ہر درخواست کا فیصلہ صرف ملکی قوانین کے مطابق کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی