ٹی20 ورلڈ کپ میں فاتحانہ آغاز: محسن نقوی نے قومی ٹیم کی جیت فہیم اشرف کے جڑواں بیٹوں سے منسوب کردی
اشاعت کی تاریخ: 7th, February 2026 GMT
پاکستان کرکٹ بورڈ (پی سی بی) کے چیئرمین محسن نقوی نے ٹی20 ورلڈ کپ کے پہلے میچ میں قومی کرکٹ ٹیم کی نیدرلینڈز کے خلاف کامیابی کو قومی کرکٹر فہیم اشرف کے نومولود جڑواں بیٹوں سے منسوب کردیا۔
قومی کرکٹ ٹیم کے ٹی20 ورلڈ کپ میں فاتحانہ آغاز پر محسن نقوی نے سماجی رابطے کی سائٹ ’ایکس‘ پر اپنے بیان میں نیندر لینڈ کی کارکردگی کو سراہا۔
Well played, Netherlands! Today’s game is dedicated to these adorable twin babies! Wishing them a healthy and happy life.
— Mohsin Naqvi (@MohsinnaqviC42) February 7, 2026
انہوں نے اپنے پیغام میں کہاکہ وہ آج کی فتح فہیم اشرف کے خوبصورت جڑواں بچوں کے نام کرتے ہیں اور ان کی صحت مند، خوشحال اور مسرتوں بھری زندگی کے لیے دعاگو ہیں۔
واضح رہے کہ ٹی20 ورلڈ کپ کے پہلے میچ میں پاکستان نے نیدرلینڈز کو سنسنی خیز مقابلے کے بعد 3 وکٹوں سے شکست دی۔
قومی کرکٹ ٹیم نے 148 رنز کا ہدف آخری اوور میں پورا کیا، میچ کے اختتامی لمحات میں فہیم اشرف کی شاندار بیٹنگ نے شائقینِ کرکٹ کو خوب محظوظ کیا، جس کے بعد سوشل میڈیا پر دلچسپ تبصرے کیے جا رہے ہیں اور فہیم اشرف کو سراہا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پی سی بی ٹی20 ورلڈ کپ چیئرمین پی سی بی قومی کرکٹ ٹیم محسن نقوی وی نیوز
ذریعہ
ذریعہ: WE News
کلیدی لفظ: پی سی بی ٹی20 ورلڈ کپ چیئرمین پی سی بی قومی کرکٹ ٹیم محسن نقوی وی نیوز قومی کرکٹ ٹیم ٹی20 ورلڈ کپ محسن نقوی فہیم اشرف
پڑھیں:
ورلڈ کپ فاتح ہسپانوی فٹبالرز کو وزن کے برابر ٹماٹر انعام میں مل گئے
فٹبال ورلڈ کپ(Footballworldcup) جیتنے کے بعد اسپین کے دو کھلاڑیوں کو ان کے آبائی علاقے میں منفرد انداز میں خراجِ تحسین پیش کیا گیا جہاں انہیں ان کے وزن کے برابر ٹماٹر بطور انعام دیے گئے۔
ورلڈ کپ میں کامیابی کے بعد اسپین کے صوبہ اشبیلیہ کے شہر میں مقامی فٹبالرز فیبان ریوز اور گاوی کے اعزاز میں خصوصی تقریب منعقد کی گئی۔
تقریب کے دوران دونوں کھلاڑیوں کا وزن کیا گیا اور پھر ان کے وزن کے مطابق تازہ ٹماٹر تحفے میں پیش کیے گئے۔
فیبان ریوز کا وزن 85 کلوگرام ریکارڈ کیا گیا جس کے برابر انہیں 85 کلو ٹماٹر دیے گئے جبکہ گاوی کو ان کے 68.5 کلوگرام وزن کے مطابق ٹماٹر بطور انعام ملے۔
مزیدپڑھیں:چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
شہر کی انتظامیہ کا کہنا ہے کہ یہ علاقہ ٹماٹر کی پیداوار کے لیے مشہور ہے اسی لیے روایتی انعامات کے بجائے مقامی شناخت سے جڑا یہ منفرد تحفہ منتخب کیا گیا۔
اس موقع پر انتظامیہ نے مزید اعلان کیا کہ دونوں کھلاڑیوں کی خدمات کے اعتراف میں شہر کے دو فٹبال میدانوں کو فیبان ریوز اور گاوی کے نام سے منسوب کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی