ایپسٹین کیس: بل اور ہلیری کلنٹن نے کھلی سماعت کا مطالبہ کر دیا
اشاعت کی تاریخ: 7th, February 2026 GMT
امریکا کے سابق صدر بل کلنٹن اور سابق وزیر خارجہ ہلیری کلنٹن نے ایپسٹین کیس سے متعلق کانگریس کی تحقیقات میں بند کمرے کی کارروائی کے بجائے عوامی سماعت کرانے کا مطالبہ کر دیا ہے۔
یہ بھی پڑھیں:ایلون مسک کا نام ایپسٹن جنسی زیادتی فائلز میں، الزامات کی تردید
بل اور ہلیری کلنٹن نے کانگریس کی ہاؤس اوور سائیٹ کمیٹی کے سامنے بیان ریکارڈ کرانے پر آمادگی ظاہر کی ہے، تاہم ان کا کہنا ہے کہ یہ بیان عوام کے سامنے ہونا چاہیے تاکہ شفافیت برقرار رہے۔ ہلیری کلنٹن کا بیان 26 فروری کو جبکہ بل کلنٹن کا بیان اگلے روز ریکارڈ کیا جانا طے ہے۔
ہلیری کلنٹن نے سوشل میڈیا پلیٹ فارم ایکس پر پیغام دیتے ہوئے کہا کہ اگر شفافیت کی بات کی جا رہی ہے تو اس سے بہتر طریقہ کوئی نہیں کہ کھلی سماعت ہو اور کیمرے آن ہوں۔ ان کا کہنا تھا کہ وہ عوامی سماعت کے لیے تیار ہیں۔
اس کے بعد بل کلنٹن نے بھی ایکس پر بیان جاری کیا اور کہا کہ وہ کسی خفیہ اور بند کمرے کی کارروائی کا حصہ نہیں بنیں گے۔ ان کے مطابق اگر واقعی سچ جاننا مقصود ہے تو عوامی سماعت ہونی چاہیے تاکہ امریکی عوام خود دیکھ سکیں کہ معاملہ کیا ہے۔
یہ بھی پڑھیں:ٹرمپ ایپسٹین کی جنسی اسمگلنگ میں شریک تھے یا نہیں، کچا چٹھا کھلنے کو تیار
بل کلنٹن نے کہا کہ وہ ایپسٹین فائلز کو مکمل طور پر منظر عام پر لانے کے حق میں ہیں اور وہ اس معاملے پر حلفیہ بیان بھی دے چکے ہیں، اس کے باوجود ری پبلکن پارٹی کی قیادت والی کمیٹی مطمئن نہیں۔
دوسری جانب ہاؤس اوور سائیٹ کمیٹی کے چیئرمین جیمز کومر کا کہنا ہے کہ تحقیقات کا طریقہ کار کلنٹن جوڑے طے نہیں کر سکتے اور ویڈیو پر ریکارڈ ہونے والے بیانات کافی ہیں۔
یہ تحقیقات مرحوم جیفری ایپسٹین سے بل کلنٹن کے مبینہ تعلقات کے حوالے سے کی جا رہی ہیں۔ رپورٹس کے مطابق بل کلنٹن نے 2000 کی دہائی میں ایپسٹین کے طیارے میں کئی سفر کیے تھے۔ امریکی محکمہ انصاف کی جانب سے ایپسٹین سے متعلق لاکھوں دستاویزات جاری کی جا چکی ہیں، جن میں کئی بااثر شخصیات کے نام سامنے آئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایپسٹن فائلز بل کلنٹن ہیلری کلنٹن.
ذریعہ
ذریعہ: WE News
کلیدی لفظ: ایپسٹن فائلز بل کلنٹن ہیلری کلنٹن
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے