اسلام آباد حملے کا ماسٹر مائنڈ افغان شہری، چار افراد حراست میں: وزیر داخلہ محسن نقوی
اشاعت کی تاریخ: 7th, February 2026 GMT
وفاقی وزیر داخلہ محسن نقوی نے دعویٰ کیا ہے کہ اسلام آباد کی مسجد میں حالیہ دھماکے کا ماسٹر مائنڈ داعش سے وابستہ ایک افغان شہری ہے، جس کے ساتھ کل چار افراد کو حراست میں لیا گیا ہے۔
اسلام آباد میں نیوز کانفرنس کے دوران محسن نقوی نے بتایا کہ خیبرپختونخوا کی انسداد دہشت گردی پولیس (سی ٹی ڈی) اور دیگر قانون نافذ کرنے والے اداروں نے جمعے کی رات آپریشن کر کے ماسٹر مائنڈ اور اس کے سہولت کاروں کو گرفتار کیا۔ اس کارروائی کے دوران ایک پولیس اے ایس آئی ہلاک اور تین اہلکار زخمی بھی ہوئے۔
وزیر داخلہ کے مطابق حملے کی منصوبہ بندی اور حملہ آور کی تربیت افغانستان میں ہوئی، دو افراد نے ریکی کی اور حملہ آور کو افغانستان سے پاکستان لایا گیا۔
محسن نقوی نے بتایا کہ پاکستان میں دہشت گردی کی بیشتر کارروائیاں افغانستان میں سرگرم دہشت گرد تنظیموں جیسے ٹی ٹی پی اور داعش سے مربوط ہیں۔ انہوں نے شہریوں سے اپیل کی کہ کمیونٹی انٹیلی جنس میں تعاون کریں تاکہ دہشت گردوں کی کارروائیوں کو روکنے میں مدد ملے۔
وزیر داخلہ نے دہشت گردوں کی جدید اسلحہ استعمال کرنے کی نشاندہی کرتے ہوئے کہا کہ پاکستان کو ان سے نمٹنے کے لیے اپنی حکمت عملی کو اپڈیٹ کرنا ہوگا۔ انہوں نے الزام عائد کیا کہ پاکستان میں دہشت گردی کی فنڈنگ اور منصوبہ بندی بھارت سے ہو رہی ہے، اور اہداف فراہم کرنے کے لیے مالی امداد بھی بڑھائی گئی ہے۔
یاد رہے کہ افغانستان کی طالبان حکومت نے ان الزامات کی تردید کی ہے، جبکہ بھارت نے اسلام آباد دھماکے کی مذمت کرتے ہوئے کہا کہ پاکستان کے اندرونی سماجی مسائل کو حل کیے بغیر دوسرے ممالک پر الزام تراشی کرنا درست نہیں۔
ذریعہ
ذریعہ: Daily Mumtaz
کلیدی لفظ: اسلام ا باد وزیر داخلہ کہ پاکستان محسن نقوی
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار