ایبک کپ فائنل: ایف جی پولو نے ڈائمنڈ پینٹس کو شکست دے کر ٹائٹل جیت لیا
اشاعت کی تاریخ: 7th, February 2026 GMT
لاہور پولو کلب میں منعقدہ تاریخی ایبک کپ کے فائنل میں ایف جی پولو نے زبردست کھیل پیش کرتے ہوئے ڈائمنڈ پینٹس کو شکست دے کر ٹائٹل اپنے نام کر لیا۔
بسنت کے خوشگوار ماحول میں لاہور کے شائقین کی بڑی تعداد پولو گراونڈ میں موجود تھی تاکہ میچ کا مزہ لے سکیں۔ اس موقع پر پاکستان میں قائم مقام امریکی سفیر نیٹلی اے بیکر اور دیگر امریکی عہدیدار بھی موجود تھے، جنہوں نے کھلاڑیوں کی کارکردگی کو سراہا اور لاہور کے اس جوش و خروش کو دلچسپی سے دیکھا۔
میچ کے دوران ایف جی پولو کی جانب سے راجہ میکائل سمیع نے چار جبکہ مارکوس ریولوا نے تین گول اسکور کیے۔ ڈائمنڈ پینٹس کی طرف سے ابی لینڈا نے تین اور محمد علی ملک نے ایک گول کیا۔ سب سڈری فائنل میں بی این پولو نے ایس کیو سی گولڈ پولو کو 8 کے مقابلے میں 6 گول سے شکست دے کر تیسری پوزیشن حاصل کی۔
اختتامی تقریب میں بہترین کارکردگی دکھانے والے کھلاڑیوں اور گھوڑوں کو بھی انعامات سے نوازا گیا۔ میاں عباس مختار کی گھوڑی موستاذا کو بہترین گھوڑے کا ایوارڈ ملا، میچ کے بہترین کھلاڑی کا اعزاز مارکوس ریولوا کے نام رہا، جبکہ ٹورنامنٹ میں سب سے زیادہ گول کرنے کا ایوارڈ راجہ میکائل سمیع نے حاصل کیا۔
یہ میچ نہ صرف کھیل کے جوش کا مظاہرہ تھا بلکہ بسنت کے رنگین ماحول میں لاہور کے شائقین کے لیے ایک یادگار لمحہ بھی بن گیا۔
ذریعہ
ذریعہ: Daily Mumtaz
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا