مغرب کی نماز کے بعد حکومت کے لیے بد دعا کریں، پی ٹی آئی کی 8 فروری کے احتجاج سے متعلق کارکنان کو ہدایت
اشاعت کی تاریخ: 7th, February 2026 GMT
تحریکِ تحفظِ آئینِ پاکستان کی جانب سے 8 فروری 2026 کو ملک بھر میں پہیہ جام اور شٹر بند ہڑتال کی کال کے تناظر میں پاکستان تحریک انصاف نے کارکنان اور عوام کے لیے ہدایات اور پیغام جاری کردیا۔
میڈیا رپورٹس کے مطابق پی ٹی آئی نے عوام اور کارکنوں سے اپیل کی ہے کہ وہ احتجاج میں پرامن انداز میں شریک ہوں اور ملک بھر میں شٹر ڈاؤن ہڑتال کو کامیاب بنائیں۔
مزید پڑھیں: پی ٹی آئی احتجاج: صوبائی وزیر شفیع جان کارکنوں کے ہمراہ اسلام آباد ہائیکورٹ پہنچ گئے، سیکیورٹی ہائی الرٹ
پارٹی ترجمان کے مطابق 8 فروری 2024 وہ دن تھا جب عام انتخابات میں عوامی مینڈیٹ چوری کیا گیا، اور اب اس واقعے کو دو سال مکمل ہونے جا رہے ہیں، اسی مناسبت سے احتجاج کیا جا رہا ہے۔
جاری اعلامیے میں کہا گیا ہے کہ یہ پرامن پہیہ جام اور شٹر بند ہڑتال اس وجہ سے بھی کی جا رہی ہے کہ گزشتہ ڈھائی سال سے سابق وزیر اعظم عمران خان اور ان کی اہلیہ کو جھوٹے اور بے بنیاد مقدمات میں قید رکھا گیا ہے، جبکہ پارٹی کے سیکڑوں کارکنان اور رہنما بھی سیاسی قیدیوں کی حیثیت سے جیلوں میں ہیں۔
پی ٹی آئی کے مطابق یہ احتجاج اسلام آباد، بلوچستان، خیبرپختونخوا اور ملک کے دیگر علاقوں میں جاری دہشتگردی، بدامنی اور عوام کو درپیش عدم تحفظ کی صورتحال کے خلاف بھی ایک واضح پیغام ہوگا۔
اعلامیے میں کارکنوں کو ہدایت اور عوام سے اپیل کی گئی ہے کہ وہ 8 فروری کو مغرب کی نماز اپنے قریبی مساجد میں باجماعت ادا کریں اور نماز کے بعد دعا کریں کہ اللہ تعالیٰ پاکستان کو موجودہ مسلط شدہ جعلی حکومت سے نجات عطا فرمائے۔
پارٹی کی جانب سے مزید ہدایت دی گئی ہے کہ نماز اور دعا کے بعد شرکاء اپنے موبائل فون کی لائٹ یا دستی مشعل کے ساتھ اپنے اپنے علاقوں میں نکالی جانے والی پرامن مشعل بردار ریلیوں میں شامل ہوں۔
مزید پڑھیں: پی ٹی آئی احتجاج: کارکنوں نے علی امین گنڈاپور کے سامنے ڈی چوک جانے کے نعرے لگا دیے
پی ٹی آئی نے زور دیا ہے کہ تمام شرکاء احتجاج کے دوران مکمل طور پر پُرامن رہیں اور اپنے احتجاج کو پُرامن انداز میں ریکارڈ کریں۔
واضح رہے کہ 8 فروری کو عام انتخابات کے 2 سال مکمل ہونے پر پی ٹی آئی نے شٹر ڈاؤن اور پہیہ جام ہڑتال کی کال دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بددعا پی ٹی آئی احتجاج شٹر ڈاؤن ہڑتال نماز مغرب وی نیوز.
ذریعہ
ذریعہ: WE News
کلیدی لفظ: پی ٹی ا ئی احتجاج شٹر ڈاؤن ہڑتال وی نیوز پی ٹی ا ئی
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا