انتخابات میں کامیابی پر ’تیستا میگا منصوبہ‘ مکمل کریں گے، بنگلہ دیش نیشنلسٹ پارٹی کا اعلان

اشاعت کی تاریخ: 7th, February 2026 GMT

بنگلہ دیش نیشنلسٹ پارٹی (بی این پی) کے سینیئر رہنما طارق رحمان نے اعلان کیا ہے کہ اگر ان کی جماعت 12 فروری کو ہونے والے قومی انتخابات میں کامیاب ہوئی تو طویل عرصے سے زیرِ بحث تیستا دریا میگا منصوبے پر فوری عملدرآمد کیا جائے گا۔

یہ بھی پڑھیں:بنگلہ دیش عام انتخابات: نوجوان امیدواروں کی بھرمار، پرانی سیاست کا توازن بدلنے لگا

وی نیوز کے نمائندے کے مطابق طارق رحمان نے نیل فاماری کے علاقے بورو ماتھ میں ایک بڑے انتخابی جلسے سے خطاب کرتے ہوئے کہا کہ بی این پی کی اولین ترجیحات میں پانی کا بہتر انتظام، زرعی ترقی اور شمالی بنگلہ دیش میں بنیادی ڈھانچے کی توسیع شامل ہو گی۔

انہوں نے خبردار کیا کہ اگر انتخابی عمل میں رکاوٹ ڈالنے کی کوشش کی گئی تو عوام اس کے خلاف بھرپور مزاحمت کریں گے۔

Massive turnout of people at the BNP Chairman Tarique Rahman’s election rally in Barishal today.

The enthusiastic crowd pledged to cast their votes for the Sheaf of Paddy in the 13th National Parliamentary Election on the 12th and ensure BNP’s victory.#TariqueRahman #BNP… pic.twitter.com/IyN59hHXX4

— Bangladesh Nationalist Party-BNP (@bdbnp78) February 4, 2026

طارق رحمان نے کہا کہ آنے والے انتخابات محض نمائندے چننے کا عمل نہیں بلکہ یہ ملک کی ازسرِ نو تعمیر اور عوام کے جمہوری حقوق کی بحالی کا موقع ہیں۔ ان کے مطابق بی این پی تھاکرگاؤں، نیل فاماری، دیناج پور اور پنچ گڑھ جیسے اضلاع کو صنعتی اور زرعی صنعتی مراکز میں تبدیل کرنے کا منصوبہ رکھتی ہے، جبکہ نیل فاماری کو مرکزی زرعی زون بنایا جائے گا۔

انہوں نے صحت اور تعلیم کے شعبے میں بھی بڑے اقدامات کا اعلان کرتے ہوئے کہا کہ میڈیکل کالجز اور یونیورسٹیوں کے قیام کے منصوبوں کو تیز کیا جائے گا، جبکہ سعیدپور ایئرپورٹ کو بین الاقوامی معیار کا ہوائی اڈہ بنانے کا عزم بھی ظاہر کیا گیا۔

یہ بھی پڑھیں:جماعت اسلامی بنگلہ دیش کا بھارتی سرحد کے ساتھ فینی میں ڈیم تعمیر کرنے کا وعدہ

خوراک کے تحفظ پر بات کرتے ہوئے طارق رحمان نے کہا کہ بی این پی کی حکومت بنگلہ دیش کو غذائی طور پر خود کفیل بنانے کے لیے عملی اقدامات کرے گی۔ سماجی بہبود کے حوالے سے انہوں نے خواتین کے لیے خصوصی تربیتی مراکز قائم کرنے اور خواتین کو معاشی طور پر بااختیار بنانے کے منصوبوں کا ذکر کیا۔

BNP Chairman Tarique Rahman today officially presented the BNP’s Election Manifesto-2026 for the upcoming 13th National Parliamentary Election to the nation at the Pan Pacific Sonargaon Hotel.#Bangladesh #BNP #ElectionManifesto2026 #TariqueRahman #13thNationalElection pic.twitter.com/jV9SFaIrt5

— Bangladesh Nationalist Party-BNP (@bdbnp78) February 6, 2026

انہوں نے مزید کہا کہ گھریلو سطح پر سہولت کے لیے ’فیملی کارڈ‘ اور کسانوں کے لیے ’زرعی کارڈ‘ متعارف کرائے جائیں گے، جن کے ذریعے آسان قرضوں کی فراہمی ممکن ہو گی۔ اس کے علاوہ 10 ہزار ٹکہ تک زرعی قرضے معاف کرنے اور بعض مائیکرو کریڈٹ قرضوں کی ذمہ داری حکومت پر لینے کی تجویز بھی پیش کی گئی۔

جلسے کی صدارت نیل فاماری ضلع بی این پی کے کنوینر میر سلیم فاروق نے کی، جبکہ نظامت کے فرائض ضلع کے رکن سیکریٹری ایس ایم سیف اللہ روبیل نے انجام دیے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

بنگلہ دیش بنگلہ دیش انتخابات طارق رحمان

ذریعہ

ذریعہ: WE News

کلیدی لفظ: بنگلہ دیش بنگلہ دیش انتخابات

پڑھیں:

پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم

پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔

تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔

ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔

انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔

اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔

یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع

وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔

تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔

پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب

انتخابات میں کامیابی پر ’تیستا میگا منصوبہ‘ مکمل کریں گے، بنگلہ دیش نیشنلسٹ پارٹی کا اعلان

پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر