وائٹ ہاؤس کا خاتون اینکر کی ماں کی بازیابی پر 50 ہزار ڈالر انعام کا اعلان
اشاعت کی تاریخ: 8th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
واشنگٹن (انٹرنیشنل ڈیسک) امریکی حکام نے خاتون اینکر کی ماں سے متعلق معلومات دینے پر 50 ہزار امریکی ڈالر کے انعام کا اعلان کردیا۔ ایف بی آئی کے مطابق لاپتا خاتون کا نام نینسی گتھری ہے جو مشہور امریکی اینکر ساوانا گتھری کی والدہ ہیں۔ پولیس کا خیال ہے کہ واضح اغوا کے بعد وہ اب بھی قید ہو سکتی ہیں۔ساوانا گتھری امریکی چینل این بی سی پر پروگرام ٹوڈے کی شریک میزبان کے طور پر جانی جاتی ہیں۔ انہوں نے اپنے بہن بھائیوں کے ساتھ ہر ایک سے اپنی والدہ کے بارے میں کوئی بھی معلومات فراہم کرنے کی اپیل کی ہے۔ ان کا کہنا ہے کہ ان کی والدہ کو ان کے گھر سے اغوا کیا گیا ہے۔وائٹ ہاؤس نے ایک پوسٹ شیئر کی جس میں کہا گیا کہ ساوانا گتھری کی والدہ نینسی گتھری کی تلاش اب بھی جاری ہے۔ براہ کرم جس کے پاس بھی معلومات ہوں وہ ایمرجنسی نمبر پر رابطہ کرے۔ ایریزونا کے حکام اتوار کے روز سے ساوانا گتھری کی والدہ کی تلاش کر رہے ہیں ۔ ذرائع ابلاغ کے مطابق تفتیش کاروں کے پاس ایسا کوئی ثبوت نہیں ہے کہ لاپتہ ساوانا گتھری کی والدہ زندہ ہیں۔ سیکورٹی حکام فی الحال خون کے نمونوں اور انگلیوں کے نشانات کی جانچ اور تفتیش کر رہے ہیں۔
ذریعہ
ذریعہ: Jasarat News
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے