لاہور میں بسنت کا آخری روز، پتنگ بازی کیلیے دوپہر میں اچھی ہوا چلنے کا امکان
اشاعت کی تاریخ: 8th, February 2026 GMT
صوبائی دارالحکومت لاہور میں بسنت کا مسلسل تیسرا اور آخری روز ہے جبکہ آج بھی لاہور میں عام تعطیل ہے۔
تفصیلات کے مطابق 25 سال بعد بسنت کو سرکاری سرپرستی میں شروع ہوئے تقریباً 56 گھنٹے گزر چکے جبکہ بسنت کی اجازت ختم ہونے میں صرف 16 گھنٹے سے بھی کم وقت باقی ہے۔
حکومت کی جانب سے بسنت منانے کے لیے 3 دن یعنی 72 گھنٹوں کی اجازت دی گئی ہے۔
محکمہ موسمیات کے مطابق لاہور شہر میں آج بھی موسم انتہائی خوش گوار ہے اور اس وقت شہر لاہور کا درجہ حرارت 12 ڈگری سینٹی گریڈ ہے جبکہ شہر کا زیادہ سے زیادہ درجہ حرارت 25 سینٹی گریڈ تک جانے کا امکان ہے۔
شہر کا آج کم سے کم درجہ حرارت 11 ڈگری سینٹی گریڈ ریکارڈ کیا گیا۔
اس وقت لاہور شہر میں صرف 8 کلو میٹر فی گھنٹہ کی رفتار سے ہوا چل رہی ہے اور اتنی ہوا پتنگ بازی کے لیے کم ہے۔ ماہرین کا کہنا ہے کہ اچھی پتنگ بازی کے لیے ہوا کی کم سے کم رفتار 10 سے 15 کلو میٹر فی گھنٹہ ہونی چاہیئے۔
مزید پڑھیںپنجاب میں بسنت پر فری ینگو رائڈ کا اعلان زبانی جمع خرچ نکلا
وزیراعلی پنجاب مریم نواز کا بسنت پروگرام منسوخ کرنے کا اعلان
بسنت : پتنگیں لوٹنے کے شوقین 3 افرادجاں بحق، متعدد زخمی
محکمہ موسمیات کے مطابق آج دوپہر 12 بجے سے شام 5 بجے تک ہوا کی رفتار 12 کلو میٹر فی گھنٹہ ہونے کا امکان ہے، دوپہر سے شام تک ہوا کی اچھی کے سبب بہترین پتنگ بازی ہونے کا امکان ہے۔
بسنت کے پہلے روز مسلسل ہوا نہ چلنے کی وجہ سے بسنت منانے والوں کا مزہ کرکرا ہوا جبکہ بسنت کے دوسرے روز بہت اچھی ہوا چلی جس سے بسنت کے شوقین افراد خوب لطف اندوز ہوئے۔
گزشتہ روز بھی لبرٹی کی جانب جانے والے راستوں کو کنٹینرز لگا کر بار بار بند کرنا پڑا۔
بسنت کے حوالے سے سیف سٹی کے کیمروں، تھرمل ڈرونز سمیت دیگر مانیٹرنگ سسٹمز سے مانیٹرنگ جاری ہے۔ لاہور شہر میں 10 ہزار سے زائد پولیس اہلکار اور ڈھائی ہزار کے قریب ٹریفک وارڈنز جبکہ ریسکیو کے بھی 1200 اہلکار خصوصی بسنت ڈیوٹی پر تعینات ہیں۔
لبرٹی راؤنڈ آباوٹ پر بسنت کے حوالے سے کی گئی سجاوٹ دیکھنے کے لیے لوگوں کی آمد کا سلسلہ شروع ہوگیا، لوگ سجاوٹی پتنگوں کے ساتھ تصاویر و ویڈیوز بنا رہے ہیں۔
.
ذریعہ
ذریعہ: Express News
کلیدی لفظ: پتنگ بازی کا امکان بسنت کے کے لیے
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
وزارت آئی ٹی نے 1.67 ارب روپے سے زاید کے فنڈز طلب کرلیے