میلے میں نصب جھولا گرنے کا واقعہ، پولیس افسر ہلاک، 14 افراد زخمی
اشاعت کی تاریخ: 8th, February 2026 GMT
فریدآباد کے سورجکند انٹرنیشنل آٹومنربھر کرافٹس میلے میں ہفتے کی شام ایک گھنٹے کے دوران سنگین حادثہ پیش آیا، جس میں 59 سالہ ڈیوٹی پر مامور پولیس افسر جان سے گیا اور 14 افراد زخمی ہو گئے۔
حادثہ شام 6 بجے جھولا اچانک ٹوٹ جانے سے حادثہ پیش آیا جس میں 20 افراد سوار تھے۔ جیسے ہی انسپکٹر جگدیش پرساد اور دیگر امدادی ٹیمیں موقع پر پہنچیں، جھولے کا بھاری حصہ پرساد پر گر گیا اور شدید زخمی کر دیا۔ انہیں فوری طور پر قریبی اسپتال منتقل کیا گیا، جہاں انہیں مردہ قرار دیا گیا، اس حادثے میں 12 افراد زخمی ہوئے۔
یہ بھی پڑھیے: عیدالاضحیٰ: پنجاب بھر میں مکینیکل جھولوں کے لیے فٹنس سرٹیفکیٹ لازمی قرار
ریاستی حکومت کے حکم پر فریدآباد پولیس نے جھولے کے حادثے کی تحقیقات کے لیے ایس آئی ٹی قائم کر دی ہے، جس کی قیادت اسسٹنٹ کمشنر آف پولیس (کرائم) واران دہیا کر رہے ہیں۔ ہریانہ کے وزیرِ سیاحت اروِند شرما نے زخمیوں سے ملاقات کے بعد کہا کہ ‘ذمہ دار وینڈر کے خلاف ایف آئی آر درج کر دی گئی ہے اور سخت کارروائی کی جائے گی۔’
فریدآباد کے ڈپٹی کمشنر آیوش سنہا نے بتایا کہ جھولے کے حادثے میں 13 افراد زخمی ہوئے اور ایک ہلاک ہوا۔ زخمیوں کو فوری طور پر سپریم اسپتال اور بی کے اسپتال منتقل کیا گیا۔ ہریانہ کے چیف منسٹر نایاب سنگھ سینی نے افسوس کا اظہار کرتے ہوئے جاں بحق پولیس افسر کے اہل خانہ سے تعزیت کی اور زخمیوں کے علاج کے لیے ہدایات جاری کیں۔
یہ بھی پڑھیے: کولمبیا میں طیارہ حادثہ، قانون ساز سمیت 15 افراد ہلاک
ڈی جی پولیس اجے سنگھال نے کہا کہ پرساد کے اہل خانہ کو 1 کروڑ روپے معاوضہ اور دیگر مراعات فراہم کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جھولا حادثہ میلہ.
ذریعہ
ذریعہ: WE News
کلیدی لفظ: جھولا میلہ افراد زخمی کے لیے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا