بیرونِ ممالک میں بھارتی نژاد مجرموں کے بارے میں سنسنی خیز انکشافات
اشاعت کی تاریخ: 8th, February 2026 GMT
لاہور(نیوز ڈیسک) بیرونِ ممالک میں بھارتی نژاد مجرموں سے متعلق سنسنی خیز انکشافات سامنے آئے ہیں، جن کے مطابق دنیا کے مختلف ممالک میں بھارتی شہریوں کی گرفتاریوں، تحقیقات اور ملک بدری کے واقعات میں تشویشناک حد تک اضافہ ہوا ہے۔
بھارتی اخبار ہندوستان ٹائمز کے مطابق امریکی امیگریشن ڈیٹا بیس کے اعلیٰ ترجیحی مجرمانہ کیسز کی فہرست میں 89 بھارتی نژاد افراد بھی شامل پائے گئے ہیں۔ رپورٹ میں بتایا گیا ہے کہ امریکی محکمہ ہوم لینڈ سکیورٹی نے اپنی سرکاری ویب سائٹ پر ان افراد کے نام اور ان پر عائد جرائم کی تفصیلات جاری کر دی ہیں۔
ہندوستان ٹائمز کے مطابق ان بھارتی نژاد افراد پر جنسی جرائم، منشیات کی اسمگلنگ، مالی فراڈ، اغوا، منی لانڈرنگ اور پرتشدد کارروائیوں جیسے سنگین الزامات عائد کیے گئے ہیں۔ رپورٹ کے مطابق یہ افراد مختلف ریاستوں میں زیرِ تفتیش رہے یا سزا یافتہ قرار پائے، جنہیں بعد ازاں امیگریشن قوانین کے تحت ملک بدری کا سامنا کرنا پڑا۔
دوسری جانب انڈین ایکسپریس نے بھی 2025 کے دوران امریکہ سے 3800 غیر قانونی بھارتی شہریوں کی ملک بدری کا انکشاف کیا ہے۔ اخبار کے مطابق یہ افراد غیر قانونی طور پر امریکہ میں مقیم تھے یا مختلف نوعیت کے مقدمات میں مطلوب قرار دیے گئے، جس کے بعد انہیں واپس بھارت بھیجا گیا۔
تجزیہ نگاروں کا کہنا ہے کہ بھارت میں بڑھتی ہوئی لاقانونیت، سماجی عدم استحکام اور متنازع عدالتی نظام عالمی سطح پر بھارتی معاشرے کی ساکھ کو متاثر کر رہے ہیں۔ ان کے مطابق بیرونِ ملک بھارتی شہریوں سے جڑے جرائم کے بڑھتے ہوئے واقعات نے بین الاقوامی برادری میں تشویش پیدا کر دی ہے۔
سیاسی مبصرین کے مطابق مودی حکومت داخلی سطح پر انتہا پسند بیانیے کے ذریعے اپنی سیاسی پوزیشن مضبوط کرنے کی کوشش کر رہی ہے، جبکہ دوسری طرف بھارتی شہریوں کے ملوث ہونے والے جرائم دنیا بھر میں بھارت کے لیے شرمندگی کا باعث بن رہے ہیں۔ مبصرین کا کہنا ہے کہ اگر بھارت نے اپنے داخلی نظامِ انصاف اور سماجی ڈھانچے میں اصلاحات نہ کیں تو مستقبل میں اس طرح کے واقعات میں مزید اضافہ ہو سکتا ہے۔
رپورٹس کے مطابق عالمی ادارے اور میزبان ممالک اب بھارتی شہریوں کی امیگریشن اور پس منظر کی جانچ پڑتال مزید سخت کرنے پر غور کر رہے ہیں، جس سے بھارت کی عالمی ساکھ کو مزید نقصان پہنچنے کا خدشہ ظاہر کیا جا رہا ہے۔
.
ذریعہ
ذریعہ: Daily Mumtaz
کلیدی لفظ: بھارتی شہریوں بھارتی نژاد میں بھارت کے مطابق
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا