وزیر داخلہ سندھ کی پولیس کو فول پروف رمضان سکیورٹی پلان تیار کرنے کی ہدایت
اشاعت کی تاریخ: 8th, February 2026 GMT
کراچی (ڈیلی پاکستان آن لائن) وزیر داخلہ سندھ ضیاء الحسن لنجار نے پولیس کو رمضان المبارک کے دوران امن و امان کی صورتحال کو برقرار رکھنے کے لیے فول پروف انتظامات یقینی بنانے کی ہدایت کردی۔
نجی ٹی وی چینل جیو نیوز کے مطابق ایک بیان میں ضیاء الحسن لنجار نے ہدایت کی کہ سندھ پولیس کنٹی جینسی پلان ترتیب دے اور رمضان المبارک میں امن کے فول پروف انتظامات یقینی بنائے جائیں۔
وزیر داخلہ سندھ نے کہا کہ تمام اضلاع میں سکیورٹی ہائی الرٹ رکھی جائے، مساجد اور امام بارگاہوں پر خصوصی پولیس نفری تعینات کی جائے۔
پاکستانی کھلاڑی حنان شاہد انجری کا شکار، پروہاکی لیگ سے باہر ہوگئے
انہوں نے مزید کہا کہ مارکیٹس، شاپنگ ایریاز اور رش والے مقامات پر اضافی نفری یقینی بنائی جائے اور اسٹریٹ کرائم، ڈکیتی کی وارداتوں کی روک تھام کے لیے کریک ڈاؤن کیا جائے۔
واضح رہے کہ اسلام آباد میں ہونے والے حالیہ دہشت گردی کے واقعے کے بعد ملک میں امن و امان کی صورتحال کو قائم رکھنے کیلئے سکیورٹی کے انتظامات مزید سخت کیے جا رہے ہیں۔
مزید :.
ذریعہ
ذریعہ: Daily Pakistan
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار