کچے میں پولیس کا آپریشن جاری، خطرناک ڈاکو نے سرینڈر کردیا
اشاعت کی تاریخ: 8th, February 2026 GMT
کچے میں جاری ’نجات مہران آپریشن‘ کے دباؤ کے نتیجے میں متعدد سنگین نوعیت کے مقدمات میں مطلوب اور 10 لاکھ روپے انعام یافتہ ڈاکو رب رکہیو ناریجو ولد نظر محمد عرف نظرو ناریجو نے خیرپور پولیس کے سامنے سرینڈر کردیا۔
مزید پڑھیں: سندھ حکومت کا کچے کے ڈاکوؤں کے خلاف آپریشن شروع کرنے کا اعلان، قومی دھارے میں شامل ہونے کا آخری موقع
ڈی آئی جی لاڑکانہ، سکھر ناصر آفتاب کی کمانڈ میں جاری مؤثر حکمت عملی اور ایس ایس پی خیرپور ڈاکٹر سمیع اللہ سومرو کی قیادت میں کچے کے ڈاکوؤں کو سرینڈر یا پولیس مقابلے کے منطقی انجام کے لیے تیار رہنے کا واضح پیغام دینے کے نتیجے میں یہ کامیابی حاصل ہوئی۔
سرینڈر کرنے والے ڈاکو کے والد نظرو ناریجو جرائم کی دنیا کے بے تاج بادشاہ سمجھے جاتے تھے اور 150 سے زائد سنگین نوعیت کے مقدمات میں پولیس کو مطلوب تھے۔
حکومت کی جانب سے اس کی زندہ یا مردہ گرفتاری کے لیے سب سے بڑی رقم، 2 کروڑ روپے انعام مقرر کی گئی تھی، اور والد پولیس مقابلے میں مارا گیا تھا، جس میں 2 پولیس اہلکار بھی جام شہادت نوش کر چکے تھے۔
رب رکہیو ناریجو اغوا برائے تاوان، بھتہ خوری، قتل، پولیس مقابلوں سمیت دیگر سنگین جرائم میں انتہائی مطلوب تھا۔ اس نے جرائم کی دنیا سے توبہ کرتے ہوئے نہ صرف خود پولیس کے سامنے سرینڈر کیا بلکہ اپنے دیگر ساتھیوں کو بھی ہتھیار پھینک کر پیش ہونے کا پیغام دیا۔
ایس ایس پی خیرپور ڈاکٹر سمیع اللہ سومرو نے کہاکہ کچے میں جاری ’نجات مہران آپریشن‘ ڈاکوؤں کے مکمل خاتمے اور علاقے میں امن و امان کی بحالی تک جاری رہے گا۔
مزید پڑھیں: سندھ حکومت کا کچے کے ڈاکوؤں کے خلاف آپریشن شروع کرنے کا اعلان، قومی دھارے میں شامل ہونے کا آخری موقع
انہوں نے عوام کی جان و مال کے تحفظ، جرائم کے خاتمے اور علاقے میں امن و امان کے قیام کے لیے پولیس کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولیس آپریشن سرینڈر کچے کے ڈاکو وی نیوز.
ذریعہ
ذریعہ: WE News
کلیدی لفظ: پولیس ا پریشن کچے کے ڈاکو وی نیوز کچے کے ڈاکو کے لیے
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ