اٹلی ونٹر اولمپکس میں اولمپک تاریخ کے مہنگے ترین میڈلز پیش کیے جائیں گے
اشاعت کی تاریخ: 8th, February 2026 GMT
اٹلی میں جاری ونٹر اولمپکس میں پوڈیم پر آنے والے کھلاڑیوں کو اولمپک تاریخ کے سب سے مہنگے میڈلز دیے جائیں گے۔ یہ مہنگائی اس لیے نہیں کہ تمغوں کا وزن زیادہ ہے، بلکہ حالیہ برسوں میں سونے اور چاندی کی قیمتوں میں غیر معمولی اضافہ اس کی وجہ ہے۔
اس کھیل کے دوران اسکیئنگ، آئس ہاکی، فگر اسکیٹنگ اور کرلنگ سمیت مختلف مقابلوں میں حصہ لینے والے دنیا کے بہترین کھلاڑیوں کو مجموعی طور پر 700 سے زائد سونے، چاندی اور کانسی کے تمغے دیے جائیں گے۔ مالی لحاظ سے یہ تمغے پہلے سے کہیں زیادہ قیمتی ہیں، جبکہ ان کی جذباتی اہمیت ہمیشہ بے مثال رہے گی۔
امریکی میڈیا کے مطابق جولائی 2024 کے بعد سے سونے کی قیمت تقریباً 107 فیصد اور چاندی کی قیمت 200 فیصد بڑھ چکی ہے۔ اس کے نتیجے میں اب ایک سونے کے تمغے کی قیمت تقریباً 2,300 ڈالر تک پہنچ گئی ہے، جو پیرس اولمپکس کے مقابلے میں دوگنی ہے۔ چاندی کے تمغے کی مالیت تقریباً 1,400 ڈالر تک ہو گئی ہے، جو دو سال قبل کے مقابلے میں تین گنا زیادہ ہے۔
دلچسپ بات یہ ہے کہ ایک گولڈ میڈل کا مجموعی وزن 506 گرام ہوتا ہے لیکن اس میں صرف 6 گرام خالص سونا شامل ہوتا ہے، جبکہ باقی وزن چاندی کا ہوتا ہے۔ کانسی کے تمغے عام طور پر تانبے سے بنائے جاتے ہیں اور 420 گرام وزنی یہ تمغے صرف تقریباً 5.
سونے کی قیمت میں اضافہ بڑے مرکزی بینکوں کے ذخائر بڑھانے اور عالمی سیاسی غیر یقینی صورتحال کی وجہ سے ہوا، جبکہ چاندی میں سرمایہ کاروں کی بڑھتی دلچسپی ایک بڑی وجہ بنی۔
توقع کی جا رہی ہے کہ 2028 کے سمر اولمپکس کے لیے تیار کیے جانے والے سونے اور چاندی کے تمغے اس ونٹر اولمپکس کے مقابلے میں مزید مہنگے ہوں گے۔
ذریعہ
ذریعہ: Daily Mumtaz
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار