امامبارگاہ خدیجہ الکبریٰ پر حملہ قابل مذمت، دہشتگردوں کو سزا دی جائے، سربلند جوگیزئی
اشاعت کی تاریخ: 8th, February 2026 GMT
اپنے بیان میں سردار سربلند جوگیزئی نے کہا کہ دہشتگردی کے واقعہ میں ملوث اصل دہشتگرد اور انکے سہولت کار کسی بھی رعایت کے مستحق نہیں ہیں۔ اسلام ٹائمز۔ پاکستان پیپلز پارٹی کے مرکزی رہنماء سردارسربلند جوگیزئی نے کہا ہے کہ اسلام آباد امام بارگاہ خدیجہ الکبریٰ میں بے گناہ نمازیوں کو دہشت گردی کا نشانہ بنانے والے دہشت گرد کسی بھی رعایت کے مستحق نہیں ہیں۔ ایسے عناصر کے ساتھ آہنی ہاتھوں سے نمٹا جائے۔ پاکستان پیپلز پارٹی نے ہمیشہ ہر قسم کی دہشت گردی کی مذمت کی ہے۔ پارٹی خودکش حملے میں شہید ہونے والے نمازیوں کے اہل خانہ کے غم میں برابر کی شریک ہے۔
کوئٹہ سے جاری ہونے والے ایک بیان میں سردار سربلند جوگیزئی نے کہا کہ اسلام آباد میں امام بارگاہوں میں خودکش دھماکے کی جتنی بھی مذمت کی جائے کم ہے۔ دہشت گردی کے واقعہ میں ملوث اصل دہشت گرد اور انکے سہولت کار کسی بھی رعایت کے مستحق نہیں ہیں۔ جنہیں گرفتار کرکے قرار واقعی سزا دی جائے، تاکہ آئندہ کسی کو بھی ایسے واقعات کی جرات نہ ہوسکے۔ انہوں نے کہا کہ دہشت گرد عناصر اپنے غیر ملکی آقاوں کی خوشنودی اور اپنے مذموم عزائم کی تکمیل کیلئے بے گناہ شہریوں کو دہشت گردی کا نشانہ بنا رہے ہیں، جن کا کوئی دین اور مذہب نہیں ہے۔ ایسے عناصر کے ساتھ آہنی ہاتھوں سے نمٹا جانا چاہئے۔
ذریعہ
ذریعہ: Islam Times
کلیدی لفظ: نے کہا
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ