پاکستان میں دہشت گردی کے پیچھے بھارت کا گھنانا ہاتھ بے نقاب ہوگیا ہے، ثروت اعجاز قادری
اشاعت کی تاریخ: 8th, February 2026 GMT
چیئرمین پاکستان سنی تحریک نے کہا کہ دہشت گردی کے خلاف جنگ صرف سیکیورٹی اداروں کی نہیں بلکہ پوری قوم کی جنگ ہے، ہم دشمن کے عزائم خاک میں ملا کر رہیں گے، پاکستان ہمیشہ قائم و دائم رہے گا اور دشمن اپنے انجام کو خود پہنچے گا۔ اسلام ٹائمز۔ پاکستان سنی تحریک کے چیئرمین انجینیئر محمد ثروت اعجاز قادری نے اپنے جاری بیان میں کہا کہ پاکستان میں جاری دہشت گردی کے پیچھے بھارت کا ہاتھ کسی سے ڈھکا چھپا نہیں، بھارت میدان جنگ میں پاکستان کو شکست دینے میں ناکام رہا، اسی ناکامی کا بدلہ وہ بزدلانہ دہشت گردی کے ذریعے لینا چاہتا ہے، یہ بھارت کی پرانی اور مکروہ سازش ہے جس کا مقصد پاکستان کو عدم استحکام کا شکار کرنا، معیشت کو نقصان پہنچانا اور قوم کے حوصلے پست کرنا ہے، مگر دشمن اپنے مذموم مقاصد میں کبھی کامیاب نہیں ہو سکتا۔ انہوں نے کہا کہ بھارت دہشت گردی کو بطور ریاستی پالیسی استعمال کر رہا ہے، سرحد پار سے فنڈنگ، تربیت اور سہولت کاری کے ذریعے پاکستان میں خونریزی کروا رہا ہے، معصوم شہریوں، علما، سیکیورٹی اہلکاروں اور عوامی مقامات کو نشانہ بنانا بھارت کی درندگی کا واضح ثبوت ہے، عالمی برادری،اقوام متحدہ اور انسانی حقوق کے نام نہاد علمبرداروں کو بھارت کے ان جرائم کا فوری نوٹس لینا ہوگا۔
ثروت اعجاز قادری نے مزید کہا کہ پاکستانی قوم دہشت گردی کے خلاف متحد ہے، ہمارے حوصلے نہ پہلے ٹوٹے تھے نہ آج ٹوٹیں گے، پاکستان کے عوام، افواج پاکستان اور سیکیورٹی ادارے دشمن کے ہر وار کا منہ توڑ جواب دینے کی مکمل صلاحیت رکھتے ہیں، وقت آگیا ہے کہ دہشت گردوں اور ان کے سہولت کاروں کے خلاف بلاامتیاز اور فیصلہ کن کارروائیاں کی جائیں۔ انہوں نے کہا کہ بھارت کی یہ سازشیں پاکستان کی ترقی، امن اور خوشحالی کے سفر کو روکنے کی ناکام کوششیں ہیں، پاکستان ایک ذمہ دار اور امن پسند ریاست ہے، مگر اپنے دفاع اور قومی سلامتی پر کوئی سمجھوتہ نہیں کرے گا، پوری قوم کو چاہیئے کہ وہ دشمن کے خلاف یکجہتی کا مظاہرہ کرے اور ملک دشمن عناصر کے بیانیے کو ہر سطح پر ناکام بنائے، دہشت گردی کے خلاف جنگ صرف سیکیورٹی اداروں کی نہیں بلکہ پوری قوم کی جنگ ہے، ہم دشمن کے عزائم خاک میں ملا کر رہیں گے، پاکستان ہمیشہ قائم و دائم رہے گا اور دشمن اپنے انجام کو خود پہنچے گا۔
ذریعہ
ذریعہ: Islam Times
کلیدی لفظ: دہشت گردی کے دشمن کے کے خلاف کہا کہ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا