سعودی عرب میں عالمی دفاعی نمائش، خواجہ آصف اور طلال چوہدری شریک
اشاعت کی تاریخ: 8th, February 2026 GMT
سعودی عرب کے دارالحکومت ریاض میں شروع ہونے والی عالمی دفاعی نمائش میں پاکستان سمیت 80 ممالک نے شرکت کی۔
وزیر دفاع خواجہ محمد آصف اور وزیر مملکت برائے داخلہ سینیٹر طلال چوہدری نے نمائش میں پاکستان کی نمائندگی کی۔
پاکستانی سفیر احمد فاروق کے ہمراہ وزیر دفاع اور وزیر مملکت برائے داخلہ نے دفاعی نمائش میں پاکستانی اسلحہ ساز کمپنیوں کے اسٹالز کا دورہ کیا۔
اس موقع پر خواجہ آصف کہا کہ پاکستان دفاعی اعتبار سے پوری دنیا میں اپنا مقام بناچکا ہے۔
انہوں نے مزید کہا کہ کئی ملک پاکستان کے لڑاکا طیاروں سمیت دفاعی ٹیکنالوجی حاصل کرنے کے خواہش مند ہیں۔
وزیر دفاع نے یہ بھی کہا کہ پاکستان کو اپنے دفاعی ساز و سامان سے متعلق بڑے آرڈر مل رہے ہیں، آئندہ پاکستانی معیشت میں ہماری دفاعی صلاحیت کا بہت بڑا کردار ہوگا۔
نمائش میںشریک وزیر مملکت طلال چوہدری نے کہا کہ سعودی عرب اور پاکستان کے درمیان دفاعی معاہدے کے بعد دونوں ممالک کے درمیان تعلقات انتہائی مضبوط اور مستحکم ہوئے ہیں۔
.
ذریعہ
ذریعہ: Jang News
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا