لاہور: صحافی زین ملک بسنت مناتے ہوئے چھت سے گر کر جاں بحق
اشاعت کی تاریخ: 8th, February 2026 GMT
پنجاب کے دارالحکومت لاہور میں بسنت کے دوران ایک حادثے میں نجی ٹی وی کے رپورٹر زین ملک جان کی بازی ہار گئے۔
میڈیا رپورٹس کے مطابق زین ملک لاہور کے علاقے ساندہ کے رہائشی تھے اور یہ واقعہ اُس وقت پیش آیا جب وہ بسنت کی تقریبات میں شریک ایک 4 منزلہ عمارت کی چھت پر موجود تھے۔ اچانک توازن کھونے کے بعد وہ نیچے گر گئے۔
بسنت مناتے ہوئے لاہور پریس کلب کے کونسل ممبر زین ملک ہوگئے ہیں ان کا ڈیٹھ سرٹفیکیٹ بہت افسوس ہوا ساتھ رپورٹر بھی رہ چکا تھا pic.
— Muhammad Ali Nasir (@iAliNasir786) February 8, 2026
ریسکیو حکام نے زخمی رپورٹر کو فوری طور پر میاں منشی اسپتال منتقل کیا، لیکن سر پر شدید چوٹ کی وجہ سے وہ جانبر نہ ہو سکے۔
اسپتال کی جانب سے جاری ڈیتھ سرٹیفکیٹ میں تصدیق کی گئی کہ زین ملک کی موت اونچی جگہ سے گرنے کے نتیجے میں سر پر لگنے والی چوٹ کی وجہ سے ہوئی۔
لاہور میں بسنت کے دوران لوگوں کے چھتوں سے گرنے کے مزید واقعات بھی پیش آئے۔
پولیس کے مطابق ٹاؤن شپ کے سیکٹر بی ون میں 25 سالہ امتیاز علی پتنگ پکڑتے ہوئے چھت سے گر گیا جسے جناح اسپتال منتقل کیا گیا، جہاں اس کی حالت خطرے سے باہر بتائی گئی۔
اعوان ٹاؤن، گلی نمبر 3 میں پتنگ لوٹنے کے دوران 13 سالہ محمود چھت سے گر گیا اور جناح اسپتال منتقل کیا گیا۔ لیاقت آباد کے پنڈی اسٹاپ میں 32 سالہ مون مسیح کی ایک ٹانگ ٹوٹ گئی جبکہ گرین ٹاؤن کے باگڑیاں میں پتنگ بازی روکنے والا 56 سالہ اقبال خود چھت سے گر کر زخمی ہوا۔
مزید برآں، جوہر ٹاؤن کے جی بلاک میں 50 سالہ کامران آتشبازی کرتے ہوئے زخمی ہوا اور اسے جناح اسپتال منتقل کیا گیا، جہاں اس کا علاج جاری ہے۔
قبل ازیں لاہور کے علاقے لوئر مال میں بسنت کے جشن کے دوران 16 سالہ نوجوان عبداللہ پتنگ بازی کرتے ہوئے چھت سے گر کر جاں بحق ہو گیا۔
مزید پڑھیں: لاہور بسنت: چھت سے گرنے والا نوجوان جان بحق، مرنے والوں کی تعداد 4 ہوگئی
پولیس نے عوام سے اپیل کی ہے کہ بسنت کے دوران چھتوں اور خطرناک جگہوں پر احتیاط برتیں تاکہ مزید حادثات سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بسنت جاں بحق رپورٹر زین ملک وی نیوز
ذریعہ
ذریعہ: WE News
کلیدی لفظ: رپورٹر زین ملک وی نیوز اسپتال منتقل کیا چھت سے گر کے دوران بسنت کے زین ملک
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار