پاک بھارت ٹی20 ورلڈ کپ میچ کھیلنے یا بائیکاٹ پر حتمی فیصلہ وزیراعظم کریں گے
اشاعت کی تاریخ: 9th, February 2026 GMT
پاکستان اور بھارت کے درمیان آئی سی سی ٹی20 ورلڈ کپ 2026 کے مجوزہ میچ کے حوالے سے حتمی فیصلہ وزیراعظم شہباز شریف کریں گے۔
ذرائع کے مطابق چیئرمین پاکستان کرکٹ بورڈ محسن نقوی آج وزیراعظم سے ملاقات کریں گے اور آئی سی سی وفد کے ساتھ ہونے والی بات چیت سے آگاہ کریں گے۔
مزید پڑھیں:شاہد آفریدی آئی سی سی ٹی20 ورلڈ کپ کے ایمبیسیڈر مقرر
ذرائع کا کہنا ہے کہ پاکستان نے بنگلہ دیش سے اظہارِ یکجہتی کے طور پر بھارت کے خلاف میچ نہ کھیلنے کا فیصلہ کیا تھا، کیونکہ بنگلہ دیش نے سیکیورٹی خدشات کے باعث اپنی ٹیم نئی دہلی بھیجنے سے انکار کیا، جس پر آئی سی سی نے بنگلہ دیش کو ٹورنامنٹ سے باہر کردیا تھا۔
حالیہ مذاکرات میں آئی سی سی نے بنگلہ دیش کے تحفظات پر مثبت ردعمل دیا ہے اور ایک ممکنہ فارمولہ تیار کیا گیا ہے، جس کی حتمی منظوری کے بعد پاکستان کے مؤقف پر بھی نظرثانی متوقع ہے۔
ذرائع کے مطابق بھارت اور پاکستان کے درمیان میچ کرکٹ کی سب سے منافع بخش مقابلہ آرائی سمجھی جاتی ہے، جس سے براڈکاسٹنگ، اشتہارات اور اسپانسرشپ کی مد میں کروڑوں ڈالر کی آمدن وابستہ ہوتی ہے، تاہم پاکستان کا مؤقف اصولی اور علاقائی یکجہتی پر مبنی ہے، جس پر آخری فیصلہ وزیراعظم کریں گے۔
مزید پڑھیں:ٹی20 ورلڈکپ: بھارت کے خلاف میچ کے بائیکاٹ پر پی سی بی نے آئی سی سی کے خط کا جواب دیدیا
واضح رہے کہ انٹرنیشنل کرکٹ کونسل (آئی سی سی) پاکستان کو ٹی20 ورلڈ کپ 2026 میں بھارت کے خلاف میچ کھیلنے پر آمادہ کرنے کی کوششیں کررہا ہے۔ اس سلسلے میں لاہور میں آئی سی سی کے ڈپٹی چیئرمین عمران خواجہ اور پاکستان کرکٹ بورڈ (پی سی بی) کے چیئرمین محسن نقوی کے درمیان مذاکرات ہوئے جن میں بنگلہ دیش کرکٹ بورڈ کے صدر امین الاسلام بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ٹی20 ورلڈ کپ بنگلہ دیش بھارت پاک بھارت میچ پی سی بی وزیراعظم شہباز شریف.
ذریعہ
ذریعہ: WE News
کلیدی لفظ: آئی سی سی ٹی20 ورلڈ کپ بنگلہ دیش بھارت پاک بھارت میچ پی سی بی وزیراعظم شہباز شریف ٹی20 ورلڈ کپ بنگلہ دیش بھارت کے کریں گے
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا