افغان کرکٹ ٹیم کی مالی معاونت کے لیے ان کیساتھ شارجہ میں میچ کھیلا مگر وہ انڈیا کا ساتھ دیتے رہے، نجم سیٹھی
اشاعت کی تاریخ: 9th, February 2026 GMT
سابق چیئرمین پاکستان کرکٹ بورڈ اور سینیئر صحافی نے افغانستان کی حکومت اور کرکٹ ٹیم کے رویے پر افسوس کا اظہار کرتے ہوئے کہا ہے کہ پاکستان نے ہمیشہ برادر ملک کی حیثیت سے افغانستان کا ساتھ دیا، لیکن اس کے باوجود مناسب ردعمل نہیں ملا۔
ایک ٹی وی پروگرام میں گفتگو کرتے ہوئے انہوں نے کہا کہ افغانستان کی ٹیم کے کوچز میں ماضی میں پاکستانی کوچز اور فاسٹ بولرز بھی شامل رہے ہیں، اور پاکستان نے انہیں نہ صرف تکنیکی معاونت فراہم کی بلکہ آؤٹ آف دی وے جا کر میچز کھیلنے میں بھی مدد دی۔ ان کے مطابق ان کے چیئرمین شپ کے دور میں افغان حکام نے مالی مشکلات کا حوالہ دیتے ہوئے پاکستان سے سیریز کھیلنے کی درخواست کی تاکہ انہیں مالی فائدہ حاصل ہو سکے۔
یہ بھی پڑھیے: کرکٹ میں کچھ بھی ہو سکتا ہے، بابر اعظم کی افغان ٹیم کو جیت پر مبارکباد
سابق چیئرمین کا کہنا تھا کہ بائی لیٹرل سیریز میں یکطرفہ مالی فائدہ دینا اصولوں کے خلاف تھا، تاہم برادرانہ تعلقات کے پیشِ نظر پاکستان نے شارجہ میں میچز کھیلنے پر آمادگی ظاہر کی تاکہ افغانستان کو مالی معاونت مل سکے۔
انہوں نے دعویٰ کیا کہ شارجہ میں ہونے والے میچز کے دوران افغان تماشائیوں کی جانب سے ہنگامہ آرائی کی گئی، جس پر مقامی حکام نے بھی تشویش کا اظہار کیا۔ ان کے بقول صورتحال اس قدر خراب ہوئی کہ دونوں ممالک کے شائقین کو الگ الگ اسٹینڈز میں بٹھانے کا فیصلہ کرنا پڑا۔
انہوں نے مزید کہا کہ ایشین کرکٹ کونسل کی میٹنگز میں بھی افغانستان اکثر بھارتی کرکٹ بورڈ کے ساتھ کھڑا نظر آتا ہے اور پاکستان کے مؤقف کی حمایت نہیں کرتا۔ ان کا کہنا تھا کہ پاکستان ہمیشہ یہ مؤقف اپناتا رہا ہے کہ سیاست کو کرکٹ سے دور رکھا جائے اور کھیل کو اصولوں کے مطابق آگے بڑھایا جائے، تاہم دوسری جانب سے یہی اصول مدنظر نہیں رکھے جاتے۔
یہ بھی پڑھیے: ’افغانستان کرکٹ ٹیم نے پاکستان کو بتایا کہ کھیلتے اور جیتتے کیسے ہیں‘
سابق چیئرمین نے کہا کہ اگر پاکستان کے ساتھ یہی رویہ رکھا جائے گا تو ردعمل بھی اسی نوعیت کا ہو سکتا ہے، لیکن پاکستان کی کوشش رہی ہے کہ کھیل کو سیاست سے الگ رکھا جائے اور باہمی احترام کو فروغ دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغان کرکٹ ٹیم کرکٹ نجم سیٹھی.
ذریعہ
ذریعہ: WE News
کلیدی لفظ: افغان کرکٹ ٹیم کرکٹ نجم سیٹھی کرکٹ ٹیم
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا