کسی کو بسنت منانے سے روکا نہیں تھا، میں نے خود بھی پتنگ بازی کی، علیمہ خان
اشاعت کی تاریخ: 9th, February 2026 GMT
پاکستان تحریک انصاف (پی ٹی آئی) کے بانی عمران خان کی بہن علیمہ خان نے واضح کیا ہے کہ پارٹی کی جانب سے کسی کو بسنت نہ منانے کی ہدایت نہیں دی گئی تھی اور خود بھی انہوں نے گھر پر پتنگ بازی کی۔
راولپنڈی میں انسداد دہشتگردی عدالت کے باہر میڈیا سے گفتگو میں علیمہ خان نے کہا کہ لاہوریوں کو بسنت منانے سے کون روک سکتا ہے، لاہور میں ہر بچہ پتنگیں اڑا رہا تھا اور یہ لاہوریوں کا جنون ہے۔
انہوں نے بتایا کہ ان کا بیٹا 6 فروری کو اپنے بچوں کے ساتھ بسنت منانے گیا تھا اور ان کا بڑا بیٹا بھی بسنت کا شوقین ہے۔
ان کا کہنا تھا کہ بسنت کسی پارٹی کے لیے مخصوص نہیں ہے اور لاہوریوں کو اس سے روکنا تقریباً ناممکن ہے۔
علیمہ خان نے کل کے احتجاج پر بھی تبصرہ کرتے ہوئے کہا کہ یہ احتجاج بہت زبردست تھا، لوگوں نے خاموشی کے ساتھ اپنا موقف ریکارڈ کرایا۔
انہوں نے کہاکہ جنہوں نے دکانیں بند کر کے احتجاج کرنا تھا، انہوں نے کیا، اور جو احتجاج نہیں کرنا چاہتے تھے، انہوں نے نہیں کیا۔ ان کا کہنا تھا کہ پاکستانیوں نے خاموشی سے احتجاج کر کے اپنا پیغام پہنچایا، اور کل کا احتجاج کامیاب رہا۔
سپریم کورٹ کے مقدمات کے حوالے سے علیمہ خان نے بتایا کہ گزشتہ دو سال کے کیسز اب جمع ہو گئے ہیں اور نمایاں پیشرفت کے طور پر اپیلوں کی سماعت کے لیے تین رکنی بینچ تشکیل دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بانی پی ٹی آئی بسنت پتنگ بازی علیمہ خان وی نیوز.
ذریعہ
ذریعہ: WE News
کلیدی لفظ: بانی پی ٹی ا ئی پتنگ بازی علیمہ خان وی نیوز علیمہ خان نے انہوں نے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار