قومی طاقت میزائلوں سے نہیں بلکہ قوم کی قوتِ ارادی سے جنم لیتی ہے، ایرانی سپریم لیڈر
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
تہران:ایران کے سپریم لیڈر آیت اللہ سید علی خامنہ ای نے کہا ہے کہ کسی بھی ملک کی اصل قومی طاقت کا دارومدار صرف میزائلوں، طیاروں یا عسکری سازوسامان پر نہیں ہوتا بلکہ یہ قوم کی قوتِ ارادی، استقامت اور عزم سے جنم لیتی ہے، دشمن ایرانی قوم کو ہراساں اور دباؤ میں رکھنے کی کوششیں اس وقت تک جاری رکھیں گے جب تک وہ مکمل طور پر مایوس نہ ہو جائیں۔
ایرانی سرکاری میڈیا کی جانب سے جاری کردہ ایک ٹیلی وائزڈ بیان میں آیت اللہ خامنہ ای نے موجودہ علاقائی اور عالمی حالات پر روشنی ڈالتے ہوئے کہا کہ ایران کو درپیش چیلنجز کا مقابلہ صرف عسکری طاقت سے نہیں بلکہ عوامی یکجہتی اور نظریاتی استقامت سے کیا جا سکتا ہے، دشمنوں کی حکمت عملی کا بنیادی مقصد ایرانی قوم کے حوصلے پست کرنا ہے، تاہم تاریخ نے ثابت کیا ہے کہ ایرانی عوام نے ہمیشہ دباؤ، پابندیوں اور دھمکیوں کے باوجود اپنی خودداری اور آزادی کا دفاع کیا ہے۔
سپریم لیڈر نے کہا کہ قومی طاقت کا تعلق میزائلوں اور طیاروں سے زیادہ قوم کی قوتِ ارادی اور استقامت سے ہے، اگر ایک قوم باخبر، متحد اور اپنے راستے پر ثابت قدم ہو تو کوئی بھی دشمن اسے زیر نہیں کر سکتا، دشمن نفسیاتی جنگ، پروپیگنڈا اور اقتصادی دباؤ کے ذریعے ایرانی قوم کو کمزور کرنے کی کوشش کر رہے ہیں، لیکن یہ تمام حربے ناکام ہوں گے۔
آیت اللہ خامنہ ای نے ایرانی قوم سے اپیل کی کہ وہ 11 فروری کو انقلابِ اسلامی کی سالگرہ کے موقع پر ملک بھر میں عظیم الشان ریلیاں نکال کر دنیا کو واضح پیغام دے، ان اجتماعات کے ذریعے نہ صرف قومی یکجہتی کا اظہار ہوگا بلکہ دشمن قوتوں کو یہ باور کرایا جا سکے گا کہ ایرانی قوم اپنے انقلاب اور نظریات سے پیچھے ہٹنے والی نہیں۔
انہوں نے کہا کہ انقلابِ اسلامی کی سالگرہ صرف ایک تاریخی دن نہیں بلکہ یہ عوامی عزم کی تجدید کا موقع ہے، جب عوام سڑکوں پر نکل کر اپنے اتحاد کا مظاہرہ کرتے ہیں تو یہ دشمن کے لیے سب سے مضبوط اور واضح پیغام ہوتا ہے کہ دباؤ اور دھمکیوں کی پالیسی ناکام ہو چکی ہے۔
ذریعہ
ذریعہ: Jasarat News
کلیدی لفظ: ایرانی قوم
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا