اسلام آباد کی طرف چڑھ دوڑنے کا کوئی ارادہ نہیں، بیرسٹر گوہر
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد:پاکستان تحریک انصاف کے چیئرمین بیرسٹر گوہر نے واضح کیا ہے کہ پارٹی کے بانی عمران خان نے فیصلہ کیا ہے کہ آئندہ وہ ایسا کوئی حکم نہیں دیں گے جس کے تحت کارکنوں کو اسلام آباد کی طرف چڑھ دوڑنے کی ہدایت دی جائے، اس وقت نہ تو کسی کنٹینر کی تیاری ہو رہی ہے اور نہ ہی اسلام آباد کی جانب کسی مارچ یا احتجاج کا کوئی فیصلہ کیا گیا ہے۔
میڈیا سے گفتگو کرتے ہوئے بیرسٹر گوہر نے کہا کہ پاکستان تحریک انصاف نے اپنے حقوق اور آئینی مؤقف کے لیے ہر آئینی و قانونی راستہ اختیار کیا ہے، پی ٹی آئی اب تک 10 مرتبہ سپریم کورٹ اور 16 مرتبہ ہائی کورٹ سے رجوع کر چکی ہے، پارٹی کی استدعا یہ رہی ہے کہ سپریم کورٹ میں زیر التوا 17 اہم کیسز کو سماعت کے لیے مقرر کیا جائے تاکہ قانونی ابہام ختم ہو سکے۔
بیرسٹر گوہر نے کہا کہ ہمایوں دلاور کے فیصلے کے بعد پی ٹی آئی نے عدالت سے رجوع کیا اور مؤقف اختیار کیا کہ یہ فیصلہ غیر قانونی ہے، پارٹی نے پارلیمان، عدالتوں اور دیگر تمام آئینی فورمز پر اپنی آواز بلند کی ہے اور آئندہ بھی قانونی جدوجہد جاری رکھی جائے گی۔
اسلام آباد کی طرف مارچ یا کسی ممکنہ احتجاج کے حوالے سے گردش کرنے والی خبروں کو مسترد کرتے ہوئے چیئرمین پی ٹی آئی نے کہا کہ کسی بھی کنٹینر کی تیاری یا اس کا رخ اسلام آباد کی جانب کرنے کی اطلاعات درست نہیں ہیں، پارٹی اس وقت کسی ایسے اقدام پر غور نہیں کر رہی جو حالات کو مزید کشیدہ کرے۔
بیرسٹر گوہر نے بتایا کہ بانی پی ٹی آئی عمران خان نے محمود خان اچکزئی اور علامہ ناصر عباس کو مکمل اختیار دے دیا ہے کہ وہ موجودہ سیاسی صورتحال میں جو بھی فیصلہ مناسب سمجھیں کریں، چاہے مذاکرات کا راستہ اپنانا ہو یا مزاحمت کا، اس حوالے سے حتمی فیصلہ اپوزیشن قائدین کی صوابدید پر چھوڑ دیا گیا ہے۔
انہوں نے مزید کہا کہ پارٹی کی اولین ترجیح اس وقت بانی پی ٹی آئی سے ملاقات ہے تاکہ براہ راست ان سے رہنمائی لی جا سکے، موجودہ حالات میں اسلام آباد کی طرف چڑھ دوڑنے کا نہ کوئی ارادہ ہے اور نہ ہی ایسا کوئی فیصلہ زیر غور آیا ہے۔
چیئرمین پی ٹی آئی نے عمران خان کا حوالہ دیتے ہوئے کہا کہ بانی پی ٹی آئی نے واضح الفاظ میں کہا ہے کہ وہ آئندہ کبھی ایسا حکم نہیں دیں گے جس کے نتیجے میں کارکنوں کو اسلام آباد کی طرف مارچ یا چڑھائی کے لیے کہا جائے۔ ان کے مطابق پارٹی اب سیاسی جدوجہد کو آئینی، قانونی اور پارلیمانی دائرے میں رکھتے ہوئے آگے بڑھانا چاہتی ہے۔
ذریعہ
ذریعہ: Jasarat News
کلیدی لفظ: اسلام آباد کی طرف بیرسٹر گوہر نے پی ٹی آئی نے کہا کہ
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار