خیبر پختونخوا: آبی پرندوں کے شکار کا شیڈول جاری، روزانہ 5 پرندوں کی حد مقرر
اشاعت کی تاریخ: 9th, February 2026 GMT
محکمہ جنگلی حیات خیبر پختونخوا نے آبی پرندوں کے شکار کا شیڈول جاری کر دیا۔
پشاور سے صوبائی محکمہ جنگلی حیات کے مطابق 15 فروری تا 15 مارچ تک صرف ہفتہ، اتوار کو آبی پرندوں کے شکار کی اجازت ہوگی۔
محکمہ جنگلی حیات کے مطابق روزانہ شکار کی حد 5 آبی پرندوں تک مقرر کی گئی ہے، ڈیمز، جھیلوں اور دیگر ساکن آبی ذخائر میں پرندوں کے شکار پر پابندی ہوگی۔
محکمہ جنگلی حیات کے مطابق طلوع آفتاب سے پہلے اور غروب آفتاب کے بعد بھی شکار پر پابندی ہوگی۔ پرندوں کے شکار کیلئے کال برڈز اور دیگر الیکٹرانک آلات کا استعمال ممنوع ہوگا۔
.
ذریعہ
ذریعہ: Nawaiwaqt
کلیدی لفظ: محکمہ جنگلی حیات پرندوں کے شکار
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ