ونٹر اولمپکس: امریکی اسکیئنگ لیجنڈ خوفناک حادثے کا شکار، اسپتال منتقل
اشاعت کی تاریخ: 9th, February 2026 GMT
امریکی اسکیئنگ لیجنڈ لنڈسے وان کا ونٹر اولمپکس ڈاؤن ہِل میں طلائی تمغہ جیتنے کا جرات مندانہ خواب محض 13 سیکنڈز میں ختم ہو گیا۔
تفصیلات کے مطابق لنڈسے وان کو ریس کے آغاز میں ایک خوفناک حادثے کا شکار ہونے کے بعد ہیلی کاپٹر کے ذریعے تشویشناک حالت میں اسپتال منتقل کیا گیا۔
یہ واقعہ اتوار کو میلان-کورٹینا اولمپکس کے دوران پیش آیا۔
41 سالہ لنڈسے وان گھٹنے کی شدید چوٹ کے باوجود مقابلے میں اتری تھیں یہی وجہ تھی کہ ان کی شرکت اولمپکس کے آغاز سے ہی توجہ کا مرکز بنی ہوئی تھی۔
وہ گھٹنے پر خاص حفاظتی بریس پہن کر ریس کے آغاز پر پُراعتماد نظر آ رہی تھیں اور ہمیشہ کی طرح جارحانہ انداز میں رن کا آغاز کیا۔
لنڈسے وان کو کورٹینا کے مشہور ’اولمپیا دے لے توفانے‘ ٹریک کا وسیع تجربہ حاصل ہے، جہاں وہ اپنے کیریئر میں کئی عالمی فتوحات حاصل کر چکی ہیں۔
تاہم ریس کے دوران چوتھے گیٹ پر ان کا کندھا ٹکرا گیا، جس کے بعد وہ توازن کھو بیٹھیں اور تیز رفتاری سے فضاء میں اچھل کر ٹریک سے باہر جا گریں اور شدید زخمی ہوگئیں۔
SHOCKING moment 41yo Lindsey Vonn loses control on slope in Olympics horror crash https://t.
لائیو نشریات میں انہیں درد سے چیختے سنا گیا، جس پر شائقین اور ساتھی کھلاڑی سکتے میں آ گئے۔
طبی عملہ فوری طور پر موقع پر پہنچا اور ہیلی کاپٹر کے ذریعے انہیں کورٹینا کے مقامی اسپتال منتقل کیا گیا۔
ان کی حالت کے بارے میں فوری طور پر کوئی تفصیل سامنے نہیں آ سکی۔
ذریعہ
ذریعہ: Express News
کلیدی لفظ: لنڈسے وان
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
وزارت آئی ٹی نے 1.67 ارب روپے سے زاید کے فنڈز طلب کرلیے