میکرو اکنامک صورتحال میں بہتری، مہنگائی 5 تا 7 فیصد کے ہدف میں رہنے کی توقع ہے، اسٹیٹ بینک
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی:اسٹیٹ بینک آف پاکستان نے آج اپنی ششماہی زری پالیسی رپورٹ جاری کی ہے، جس میں بتایا گیا ہے کہ ملک میں میکرو اکنامک حالات میں بہتری آئی ہے اور یہ ترقی محتاط زری پالیسی رویے اور جاری مالیاتی یکجائی کی بدولت ممکن ہوئی ہے۔
رپورٹ کے مطابق توقع ہے کہ مہنگائی مالی سال 2026 اور 2027 کے بیشتر عرصے کے دوران 5 سے 7 فیصد کے ہدف میں رہے گی حالانکہ کچھ قلیل مدتی اتار چڑھاؤ ممکن ہے۔ مالی سال 2026 میں کرنٹ اکاؤنٹ خسارہ جی ڈی پی کے صفر سے ایک فیصد تک رہنے کی توقع ہے، جس میں تجارتی خسارہ بلند ہونے کے باوجود مضبوط ترسیلاتِ زر اور منصوبہ بند سرکاری آمدنی سے جزوی طور پر پورا ہونے کی پیشگوئی کی گئی ہے۔
اسٹیٹ بینک کے مطابق زرِ مبادلہ کے ذخائر جون 2026 تک 18 ارب ڈالر تک پہنچنے کی توقع ہے اور مالی سال 2027 میں اضافے کے بعد یہ تقریباً تین ماہ کی درآمدی کوریج کے قریب پہنچ جائیں گے۔
رپورٹ میں کہا گیا ہے کہ جاری میکرو اکنامک استحکام، مالی صورتِ حال میں نرمی اور مطلوبہ نقدِ محفوظ (CRR) کو حال ہی میں 5 فیصد تک کم کرنے کے دوران معاشی سرگرمی مضبوط ہوئی ہے۔ اس کے نتیجے میں معاشی نمو کے امکانات بہتر ہوئے ہیں اور جی ڈی پی کی حقیقی نمو مالی سال 2026 کے لیے 3.
اسٹیٹ بینک کا کہنا ہے کہ معاشی استحکام، مضبوط ترسیلاتِ زر اور مالیاتی یکجائی ملک میں سرمایہ کاری اور کاروباری اعتماد کو فروغ دے رہے ہیں جو آنے والے سالوں میں پاکستان کی معیشت کے لیے مثبت اشاریے فراہم کریں گے۔
ذریعہ
ذریعہ: Jasarat News
کلیدی لفظ: اسٹیٹ بینک کی توقع ہے مالی سال
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار