شیعہ علماء کونسل کا سانحہ ترلائی اسلام آباد کیخلاف ملک گیر احتجاج
اشاعت کی تاریخ: 9th, February 2026 GMT
علامہ ڈاکٹر شبیر حسن میثمی نے حکومتِ پاکستان سے مطالبہ کیا ہے کہ سانحہ ترلائی اسلام آباد کی فوری، شفاف اور غیر جانبدار تحقیقات کر کے واقعے میں ملوث دہشت گردوں، ان کے سہولت کاروں اور پشت پناہی کرنے والی قوتوں کو بے نقاب کر کے قانون کے کٹہرے میں لایا جائے۔ اسلام ٹائمز۔ شیعہ علماء کونسل پاکستان نے سانحہ جامع مسجد خدیجتہ الکبریٰ ترلائی اسلام آباد میں ہونے والے خودکش دھماکے کے خلاف بروز جمعہ 13 فروری 2026ء کو ملک گیر یومِ احتجاج منانے کا اعلان کر دیا ہے، جس کے تحت ملک بھر میں نماز جمعہ کے بعد احتجاجی ریلیاں نکالی جائیں گی۔ شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے حکومتِ پاکستان سے مطالبہ کیا ہے کہ سانحہ ترلائی اسلام آباد کی فوری، شفاف اور غیر جانبدار تحقیقات کر کے واقعے میں ملوث دہشت گردوں، ان کے سہولت کاروں اور پشت پناہی کرنے والی قوتوں کو بے نقاب کر کے قانون کے کٹہرے میں لایا جائے۔ علامہ ڈاکٹر شبیر حسن میثمی نے سانحہ ترلائی کو دشمنانِ اسلام اور دشمنانِ پاکستان کی منظم سازش قرار دیتے ہوئے کہا کہ یہ عناصر وطن عزیز میں اتحادِ امت کو پارہ پارہ کرنے اور فرقہ واریت کو دوبارہ ہوا دینے کی کوشش کر رہے ہیں۔ انہوں نے کہا کہ پاکستان کے عوام بروز جمعہ یومِ احتجاج میں یکجا ہو کر ظلم کے خلاف صدائے احتجاج بلند کریں اور دنیا کو یہ پیغام دیں کہ پاکستان میں امت مسلمہ متحد ہے۔
انہوں نے افسوس کا اظہار کرتے ہوئے کہا کہ ملک میں دہشت گردی کے واقعات ایک بار پھر سر اٹھا رہے ہیں، جن کے پیچھے تکفیری سوچ اور فرقہ وارانہ نفرت پھیلانے والی قوتیں سرگرم ہیں، جبکہ حکومت اور انتظامیہ کی جانب سے مؤثر اور عملی اقدامات کا فقدان تشویشناک ہے۔ علامہ ڈاکٹر شبیر حسن میثمی نے سانحہ جامع مسجد خدیجتہ الکبری ترلائی اسلام آباد کو دارالحکومت میں شہریوں اور نمازیوں کو تحفظ فراہم کرنے میں حکومتی ناکامی قرار دیتے ہوئے مطالبہ کیا کہ واقعے کے تمام پہلوؤں کا باریک بینی سے جائزہ لیا جائے اور ذمہ دار عناصر کو قرار واقعی سزا دی جائے۔ انہوں نے سانحہ میں شہید ہونے والے افراد کے سوگوار خاندانوں سے دلی ہمدردی اور تعزیت کا اظہار کرتے ہوئے زخمیوں کی جلد صحت یابی کے لیے دعا کی اور مطالبہ کیا کہ زخمیوں کو جدید طبی سہولیات کی بلا تعطل فراہمی یقینی بنائی جائے۔
ذریعہ
ذریعہ: Islam Times
کلیدی لفظ: علامہ ڈاکٹر شبیر حسن میثمی نے ترلائی اسلام آباد سانحہ ترلائی مطالبہ کیا
پڑھیں:
بلوچستان کے نام پر علیحدگی پسند سیاست کرنے کی اجازت نہیں دی جائے گی، جمال رئیسانی
پاکستان پیپلز پارٹی (پی پی پی) کے رکن قومی اسمبلی نوابزادہ جمال رئیسانی نے کہا ہے کہ پاکستان کے خلاف ایک خاموش جنگ لڑی جا رہی ہے جو بارود سے زیادہ نوجوانوں کے ذہنوں کو نشانہ بنا رہی ہے۔ بلوچستان کے نام پر علیحدگی پسند سیاست کرنے کی اجازت نہیں دی جائے گی۔
صوبائی وزرا علی مدد جتک اور عاصم کرد گیلو کے ہمراہ کوئٹہ میں پریس کانفرنس کرتے ہوئے نوابزادہ جمال رئیسانی نے کہاکہ دشمن پاکستان اور بلوچستان کو توڑنے کی کوشش کر رہا ہے۔
ان کا کہنا تھا کہ 2018 میں بشیر زیب نے جب ایک کالعدم تنظیم کی کمان سنبھالی تو حالات مزید خراب ہوئے، جبکہ جنید بشیر زیب کا رائٹ ہینڈ ہے۔
انہوں نے کہاکہ آج کی جنگ ڈیجیٹل پلیٹ فارمز پر لڑی جا رہی ہے اور کالعدم تنظیموں کے کارندے زنگی ایپ کے ذریعے ایک دوسرے سے رابطے میں رہتے ہیں۔
ان کا کہنا تھا کہ کالعدم تنظیمیں سنگل ایپ کے ذریعے آپریشنل منصوبہ بندی جبکہ ڈیلٹا چیٹ کے ذریعے خفیہ بھرتیاں کرتی ہیں۔
نوابزادہ جمال رئیسانی نے کہاکہ آج دشمن صرف گولی کا استعمال نہیں کر رہا بلکہ سوشل میڈیا پر ٹرینڈز چلا کر بھی اپنا ایجنڈا آگے بڑھا رہا ہے۔ ہم نہیں چاہتے کہ نوجوان پہاڑوں کا رخ کریں۔
انہوں نے دعویٰ کیاکہ کالعدم تنظیموں نے اپنی سرگرمیوں میں خواتین کا استعمال بھی شروع کر دیا ہے۔ شہناز بلوچ بلوچ یکجہتی کمیٹی کے جلسوں میں شرکت کرتی تھیں اور ان کا باہوٹ کے ذریعے کالعدم تنظیم سے رابطہ ہوا۔
نوابزادہ جمال رئیسانی نے مزید کہاکہ بلوچ یکجہتی کمیٹی بلوچستان کی قیادت ڈاکٹر صبیحہ کر رہی ہیں اور ان کا بھائی ایک کالعدم تنظیم کا حصہ ہے۔
انہوں نے یہ بھی کہا کہ بلوچ یکجہتی کمیٹی کے کراچی سیل کی قیادت فوزیہ شاہوانی کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان سیاست خاموش جنگ نوابزادہ جمال رئیسانی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ