تھانہ گلبرگ،شریف آبادکی حدود آئس و گٹکا ماوا کی آماج گاہ بن گیا
اشاعت کی تاریخ: 10th, February 2026 GMT
فیض نامی منشیات ڈیلر اپنے کارندوں عمران، منا، باسط کے ذریعے فروخت کروانے میں سرگرم ہوگیا
موسی کالونی، ریلوے پھاٹک، ناز کے جی پرائمری، سیکنڈری اسکول کے اطراف میں منشیات کی فروخت جاری
(رپورٹ ایم جے کے)ڈسٹرکٹ سینٹرل تھانہ گلبرگ اور شریف آباد کی حدود میں بڑے پیمانے پر آئس و گٹکا ماوا کی فروخت جاری، فیض نامی منشیات ڈیلر اپنے کارندوں عمران، منا، باسط کے ذریعے فروخت کروانے میں سرگرم ہے، موسی کالونی، ریلوے پھاٹک، ناز کے جی پرائمری، سیکنڈری اسکول کے اطراف میں منشیات کی فروخت جاری۔ علاقہ باوثوق ذرائع کے مطابق تھانہ گلبرگ اور شریف آباد کی حدود میں بڑے پیمانے پر آئس اور گٹکا ماوا کی فروخت کھلے عام جاری ہے فیض نامی منشیات ڈیلر علاقے میں کھلے عام منشیات و گٹکا ماوا اپنے کارندوں جن میں عمران عرف ہوشیار ہوٹل والا، منا عرف ٹن، باسط عرف باسات سے موسی کالونی ہادی روڈ کی پچھلی سائیڈ ریلوے پھاٹک سے پہلے اور ایف سی ایریا سے ریلوے پھاٹک کے بعد اور ناز کے جی پرائمری اینڈ سیکنڈری اسکول کی پچھلی سائیڈ پر فروخت کروا رہا ہے جس سے نوجوان نسل برباد ہو رہی ہے، ذرائع نے مزید بتایا کہ منا کے گھر سے بھی بڑے پیمانے پر آئس کی فروخت کھلے عام جاری ہے، جبکہ تھانہ گلبرگ اور شریف آباد پولیس کی سرپرستی ان منشیات فروشوں کو حاصل ہے ان تھانوں کے پولیس اہلکار ہفتہ لینے منشیات ڈیلر فیض اور اس کے کارندوں کے پاس آتے ہیں اسی وجہ سے ان تمام منشیات اور گٹکا ماوا فروشوں کے خلاف کارروائی نہیں کی جاتی، علاقہ مکین نے سندھ رینجرز، آئی جی سندھ، ایڈیشنل آئی جی کراچی، ڈی آئی جی ویسٹ زون اور ایس ایس پی سینٹرل سے مطالبہ کیا ہے کہ منشیات ڈیلر فیض، عمران، منا اور باسط کے خلاف سخت سے سخت قانونی کارروائی کی جائے اور ساتھ ہی منشیات فروشی کی سرپرستی میں ملوث تھانہ گلبرگ اور شریف آباد کے پولیس اہلکاروں کے خلاف بھی محکمہ جاتی کارروائی کی جائے۔
.
ذریعہ
ذریعہ: Juraat
کلیدی لفظ: منشیات ڈیلر ریلوے پھاٹک گٹکا ماوا کی فروخت
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا