تلخ یادیں بھلا کر گرین شرٹس آج کمزور حریف پر جھپٹنے کے لیے تیار
اشاعت کی تاریخ: 10th, February 2026 GMT
کراچی:
تلخ یادیں بھلا کر گرین شرٹس کمزور حریف پر جھپٹنے کیلیے تیار ہیں، ٹی 20 ورلڈکپ میں امریکا سے مقابلہ آج ہوگا، پلیئرز کی توجہ ناتجربہ کار حریف سے گزشتہ ٹورنامنٹ کی شکست کا بدلہ لینے کے ساتھ اپنی پوزیشن کو مضبوط بنانے پر مرکوز ہے۔
تفصیلات کے مطابق پاکستان ٹیم ٹی 20 ورلڈکپ میں اپنا دوسرا میچ آج سنہالیز اسپورٹس کلب کولمبو میں امریکا کے خلاف کھیلے گی،پہلے مقابلے میں اس نے نیدرلینڈز کو مات دی تھی۔
ڈچ سائیڈ کی جانب سے بھرپور فائٹ نے ایک موقع پر ٹیم کیلیے خطرے کی گھنٹی بھی بجا دی تھی مگر سیکنڈ لاسٹ اوور میں فہیم اشرف نے ریسکیو کرتے ہوئے فنش لائن عبور کرا دی۔
اسی طرح امریکا نے بھی اپنے پہلے میچ میں بھارت کو پریشان کیا،البتہ سوریا کمار یادیو نے میزبان ٹیم پر منڈلاتے خطرات ٹال دیے تھے۔
2 برس قبل کھیلے گئے ٹی 20 ورلڈکپ میں پاکستان ٹیم کو امریکا کے ہاتھوں شکست ہوئی جو بعد میں پہلے راؤنڈ سے ہی اخراج کی وجہ بن گئی تھی، اس لیے اب گرین شرٹس حریف کے خلاف کسی بھی قسم کی سہل پسندی سے اجتناب کرتے ہوئے حساب چکتا کرنے کی کوشش کریں گے۔
کھلاڑیوں کی نگاہیں صرف گزشتہ ٹورنامنٹ میں ناکامی کا بدلہ لینے پر ہی مرکوز نہیں ہوں گی بلکہ 2 قیمتی پوائنٹس حاصل کرکے گروپ میں پوزیشن کو بہتر بنانا اولین مقصد ہوگا۔
کولمبو میں بارش پاکستانی مہم پر بھی اثر انداز ہوسکتی ہے،گرین شرٹس کو اسے مدنظر رکھتے ہوئے تمام تر حکمت عملی ترتیب دینا ہوگی، ڈی ایل میتھڈ پر فیصلے کو ذہن میں رکھتے ہوئے تیزرفتاری سے رنز بنانا ہوں گے، ٹاپ آرڈر بیٹرز کو پاور پلے کو زیادہ سے زیادہ کارآمد بنانا پڑے گا۔
مزید پڑھیںٹی 20 ورلڈ کپ: جنوبی افریقا نے کینیڈا کو 57 رنز سے ہرا دیا
ٹی 20 ورلڈ کپ: انگلینڈ نے نیپال کو4 رنز سے شکست دے دی
ٹی 20 ورلڈ کپ: نیوزی لینڈ نے افغانستان کو 5 وکٹوں سے شکست دے دی
ڈچ سائیڈ سے میچ میں ناکام رہنے والے بابراعظم ایک بار پھر موضوع بحث بنے ہوئے ہیں مگر پلیئنگ الیون میں ان کی پوزیشن کو فوری طور پر خطرہ نہیں ہے ، درمیانی اوور میں تجربہ کار بیٹر ٹیم کی ضرورت ہیں۔
البتہ پہلے میچ میں صفر کی خفت سے دوچار ہونے والے وکٹ کیپر بیٹر عثمان خان کی جگہ خواجہ نافع کو میدان میں اتارنے کا آپشن موجود ہوگا۔
موزوں کنڈیشنز سے پاکستانی اسپنرز فائدہ اٹھانے کیلیے تیار ہیں، ابر آلود کنڈیشنز میں پیسرز بھی حریف بیٹرز کو تگنی کا ناچ نچا سکتے ہیں، شاہین آفریدی توجہ کا مرکز ہوں گے۔
دوسری جانب امریکی ٹیم بھارت سے کانٹے دار مقابلے کی وجہ سے کافی پرجوش ہے،پلیئرز پاکستان کے خلاف ایک اور اپ سیٹ کامیابی کے خواب اپنی آنکھوں میں سجا چکے ہیں۔
البتہ انھیں پاکستانی نژاد پیسر علی خان کی عدم موجودگی کا خدشہ ہے ،وہ بھارت سے میچ میں ٹانگ کی تکلیف کا شکار ہوگئے تھے۔
کپتان مونانک پٹیل کو امریکا کی جانب سے ٹی 20 انٹرنیشنل کرکٹ میں ایک ہزار رنز مکمل کرنے والے پہلے کرکٹر کے اعزاز کیلیے مزید 80 رنز درکار ہیں،انھوں نے پاکستان کے خلاف گزشتہ ٹی 20 ورلڈکپ میچ میں ففٹی بنائی تھی۔
کولمبو میں مختصر فارمیٹ میں پاکستان کا ریکارڈ کافی بہتر ہے، نیدرلینڈز کے خلاف کامیابی سے 8 میچز میں فتوحات کا تناسب 2-6 ہوگیا، یہ 2 ناکامیاں 2012 کے ورلڈکپ میں بھارت اور سری لنکا کے ہاتھوں ملی تھیں ۔
.
ذریعہ
ذریعہ: Express News
کلیدی لفظ: ٹی 20 ورلڈکپ ورلڈکپ میں میچ میں کے خلاف
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ