سولر صارفین کیلئے بُری خبر: نیشنل گرڈ کو بجلی فروخت کرنے کے ریٹس میں کمی کردی گئی، نیا نیٹ بلنگ نظام متعارف
اشاعت کی تاریخ: 10th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
سولر صارفین کے لیے منفی خبر سامنے آ گئی ہے، نیشنل الیکٹرک پاور ریگولیٹری اتھارٹی نیپرا نے نیشنل گرڈ کو بجلی فروخت کرنے کے نرخ کم کر دیے ہیں۔
نیپرا کی جانب سے نئے ریگولیشنز 2026 کا نوٹیفکیشن جاری کر دیا گیا ہے۔ نوٹیفکیشن کے مطابق موجودہ یعنی پرانے سولر صارفین اپنی پیدا کردہ بجلی نیشنل گرڈ کو 25 روپے 32 پیسے فی یونٹ کے پرانے نرخ پر ہی فروخت کرتے رہیں گے، تاہم نئے سولر صارفین کے لیے فی یونٹ خریداری کی قیمت میں 17 روپے 19 پیسے کی نمایاں کمی کر دی گئی ہے۔
نئے صارفین کو اب نیشنل گرڈ کو بیچی گئی بجلی کے بدلے صرف 8 روپے 13 پیسے فی یونٹ ملیں گے، جو پہلے کے مقابلے میں تقریباً تین گنا کم ہیں۔
نیپرا نے نئے اور پرانے دونوں صارفین کے لیے نیٹ بلنگ کا نیا طریقہ کار بھی متعارف کرا دیا ہے۔ اس کے تحت صارف کا یونٹ اب سرکاری یونٹ کے برابر تصور نہیں ہوگا، اور نیشنل گرڈ سے حاصل کی گئی بجلی کی قیمت حکومتی ٹیرف اور متعلقہ سلیب کے مطابق وصول کی جائے گی۔
مزید برآں نئے نیٹ میٹرنگ صارفین کے لیے لائسنس کی مدت 7 سال سے کم کر کے 5 سال کر دی گئی ہے۔
پاور پلاننگ اینڈ مانیٹرنگ کمپنی کے مطابق اس وقت ملک میں نیٹ میٹرنگ کے تحت تقریباً 7 ہزار میگاواٹ کی صلاحیت کے سولر سسٹمز نصب ہیں، جبکہ 13 سے 14 ہزار میگاواٹ تک کی بجلی ایسے صارفین پیدا کر رہے ہیں جو آف گرڈ سولر سسٹمز استعمال کر رہے ہیں۔
ماہرین کا کہنا ہے کہ نئے ریگولیشنز کے بعد آف گرڈ سولر سسٹمز لگانے کا رجحان مزید بڑھنے کا امکان ہے۔
ذریعہ
ذریعہ: Jasarat News
کلیدی لفظ: صارفین کے لیے نیشنل گرڈ کو سولر صارفین
پڑھیں:
مستونگ میں نامعلوم افراد کی فائرنگ سے سیشن جج عبد الحکیم کاکڑ جاں بحق
ولی خان کے علاقے میں نامعلوم افراد نے سیشن جج کی گاڑی پر فائرنگ کردی۔ڈی پی او اللہ بخش بلوچ کے مطابق فائرنگ سے سیشن جج عبدالحکیم کاکڑ اور ان کا گن مین جاں بحق ہوگئے جبکہ ایڈیشنل سیشن جج طارق لاشاری سمیت 2 افراد شدید زخمی ہیں۔ڈی پی او کا بتانا ہے کہ سیشن جج اور ایڈیشنل سیشن جج کوئٹہ سے سیشن کورٹ مستونگ آرہے تھے، واقعے کے بعد علاقے کی ناکہ بندی کردی گئی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا