مارگلہ انکلیو پارک روڈ انڈر پاس پر تعمیراتی کام کا آغاز، ٹریفک کے لیے ایڈوائزری جاری
اشاعت کی تاریخ: 10th, February 2026 GMT
ترجمان اسلام آباد پولیس کے مطابق مارگلہ انکلیو پارک روڈ پر واقع انڈر پاس کے ترقیاتی کام کا آغاز آج سے کر دیا گیا ہے، جس کے باعث علاقے میں ٹریفک کے بہاؤ میں تبدیلی کی گئی ہے۔
مزید پڑھیں: اسلام آباد میں رہنے اور پانی پینے پر 3گنا زیادہ ٹیکس دینا ہوگا؟
پارک روڈ پر سفر کرنے والے شہریوں کو ہدایت کی گئی ہے کہ وہ جاری کردہ ڈائیورشن پلان پر عمل کریں۔ راول ڈیم چوک سے ترامڑی کی جانب جانے والی ٹریفک این آئی ایچ روڈ کے ذریعے موہڑہ نور سے ہوتی ہوئی دوبارہ پارک روڈ پر داخل ہو سکے گی۔
اسی طرح ترامڑی سے راول ڈیم چوک کی طرف آنے والی ٹریفک چائے خانہ سے سی ڈی اے نرسری اور لوہے والی گرل کے ساتھ ساتھ بنائی گئی 2 عارضی سڑکوں کے ذریعے پارک روڈ پر واپس آ سکے گی۔
اس کے علاوہ شہری متبادل راستے کے طور پر لہتراڑ روڈ سے کھنہ پل اور ایکسپریس وے استعمال کر کے بھی اسلام آباد میں داخل ہو سکتے ہیں۔
مزید پڑھیں: راولپنڈی اسلام آباد کی منظور اور غیر منظور شدہ ہاؤسنگ سوسائٹیز کون سی ہیں؟
ترجمان کے مطابق ترقیاتی کام کے دوران پارک روڈ پر ٹریفک کے شدید دباؤ کا خدشہ ہے، لہٰذا شہری اپنے سفر کے لیے 20 سے 30 منٹ کا اضافی وقت رکھ کر روانہ ہوں۔
ٹریفک پلان سے متعلق مزید معلومات کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پارک روڈ انڈر پاس ترجمان اسلام آباد پولیس تعمیراتی کام کا آغاز، ٹریفک ایڈوائزری جاری مارگلہ انکلیو پارک روڈ.
ذریعہ
ذریعہ: WE News
کلیدی لفظ: پارک روڈ انڈر پاس ترجمان اسلام آباد پولیس تعمیراتی کام کا آغاز ٹریفک ایڈوائزری جاری پارک روڈ پر اسلام آباد کے لیے
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے