9 ویں انٹرنیشنل پاکستان آرمی ٹیم اسپرٹ مقابلے کھاریاں میں کامیابی سے اختتام پذیر
اشاعت کی تاریخ: 10th, February 2026 GMT
9 ویں انٹرنیشنل پاکستان آرمی ٹیم اسپرٹ مقابلے کھاریاں میں کامیابی کے ساتھ اختتام پذیر ہو گئے۔
پاک فوج کے شعبہ تعلقات عامہ آئی ایس پی آر کے مطابق ٹیم اسپرٹ ایک 60 گھنٹوں پر مشتمل گشت پر مبنی عسکری مشق ہے، جس کا مقصد پیشہ ورانہ فوجی مہارتوں میں مؤثر اضافہ کرنا ہے۔
آئی ایس پی آر کے مطابق یہ مشق 5 فروری 2026 سے پنجاب کے نیم پہاڑی علاقوں میں منعقد کی گئی، جہاں مشکل اور حقیقت پسندانہ ماحول نے شرکاء کو عملی چیلنجز فراہم کیے۔ مشق کے دوران مختلف ٹیموں کے درمیان جدید خیالات اور حربی تجربات کا تبادلہ بھی کیا گیا۔
اختتامی تقریب کے مہمان خصوصی فیلڈ مارشل سید عاصم منیر تھے، جنہوں نے مشق میں حصہ لینے والی تمام ٹیموں کو خراجِ تحسین پیش کیا۔ آرمی چیف نے شرکاء کی اعلیٰ پیشہ ورانہ مہارت، جسمانی و ذہنی برداشت اور جنگی صلاحیتوں کو سراہا۔
فیلڈ مارشل نے کہا کہ عملی صلاحیت، جنگی مہارت اور بلند حوصلہ دہشت گردی کے خلاف جاری جنگ میں پاکستانی جوانوں کی نمایاں پہچان ہیں۔ ان کے مطابق ایسے مقابلے بہترین عسکری طریقہ کار سے باہمی سیکھنے کے مواقع فراہم کرتے ہیں۔
تقریب کے اختتام پر نمایاں کارکردگی دکھانے والوں کو انعامات دیے گئے، جبکہ بین الاقوامی مبصرین اور دفاعی اتاشی بھی تقریب میں شریک تھے۔ مہمانوں نے اعلیٰ پیشہ ورانہ معیار اور بہترین انتظامات کو سراہا۔
آئی ایس پی آر کے مطابق فیلڈ مارشل سید عاصم منیر نے نیشنل کاؤنٹر ٹیررازم سینٹر پبی کا دورہ بھی کیا، جہاں انہوں نے مختلف تربیتی سرگرمیوں اور نئے قائم شدہ ٹیکٹیکل سمیولیٹر کا مشاہدہ کیا۔
فیلڈ مارشل نے جوانوں اور تکنیکی ٹیم کی کوششوں کو سراہتے ہوئے کہا کہ روایتی تربیتی طریقوں کے ساتھ ساتھ سمیولیٹر پر مبنی جدید تربیت مستقبل کے چیلنجز سے نمٹنے کے لیے نہایت اہم ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل فیلڈ مارشل کے مطابق
پڑھیں:
ہمارا ایک مطالبہ ہے بانی کو شفا انٹرنیشنل منتقل کیا جائے، سہیل آفریدی
وزیراعلیٰ خیبر پختونخوا سہیل آفریدی نے کہا ہے کہ ہمارا ایک ہی مطالبہ ہے بانی پی ٹی آئی کو شفا انٹرنیشنل منتقل کیا جائے۔
راولپنڈی میں میڈیا سے گفتگو میں سہیل آفریدی نے کہا کہ چاہتے ہیں بانی پی ٹی آئی کا علاج ان کی فیملی اور ذاتی معالج کی موجودگی میں ہو۔
انہوں نے کہا کہ ان کے مقاصد کچھ اور ہیں اس لیے یہ ملنے نہیں دے رہے، مجھے اگر نہیں ملنے دیتے تو کم از کم فیملی کو ملنے دیا جائے۔
پاکستان تحریک انصاف ( پی ٹی آئی) رہنما جنید اکبر نے کہا ہے کہ جس دن بانی پی ٹی آئی محمود اچکزئی سےمطمئن نہیں ہوں گے ہٹادیے جائیں گے۔
وزیراعلیٰ خیبر پختونخوا نے مزید کہا کہ بانی پی ٹی آئی نے کہا سہیل آفریدی وزیراعلیٰ ہوگا تو دنیا کی کوئی طاقت اس کو بدل نہیں سکتی۔
اُن کا کہنا تھا کہ جب تک بانی پی ٹی آئی کا کوئی نیا پیغام نہیں آئے گا میں ہی وزیراعلیٰ رہوں گا، کے پی میں ہماری حکومت فقط بانی چیئرمین ہی ختم کرسکتے ہیں۔
سہیل آفریدی نے یہ بھی کہا کہ کے پی میں فارورڈ بلاک پروپیگنڈا ہے، جو اس لیے کیا گیا کہ وفاقی بجٹ میں ایک بار پھر عوام کا خون چوسا جائے گا۔
اڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
انہوں نے کہا کہ صوبائی حکومت نے کابینہ سے بجٹ پیپر پاس کرالیا ہے، ہم نے کوئی سرپلس بجٹ نہیں دیا، کے پی حکومت عوام دوست بجٹ پیش کرے گی۔
وزیراعلیٰ خیبر پختونخوا نے کہا کہ ہمارا سارا فوکس صحت، تعلیم، زراعت، نوجوان اور جنگلات پر ہے، ہم اپنے بجٹ میں بہت اچھی اور عوام دوست چیزیں لارہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے