این ایچ اے، سکھر،حیدرآباد موٹر وے، مئی سے کام کے آغاز کا فیصلہ
اشاعت کی تاریخ: 10th, February 2026 GMT
اسلام آباد(نیوزڈیسک)نیشنل ہائی وے اتھارٹی (این ایچ اے) نے سکھر حیدرآباد موٹر وے کے کام کااس سال مئی میں آغاز کرنے کا فیصلہ کرلیا۔
وفاقی وزیرمواصلات عبدالعلیم خان کی صدارت میں این ایچ اےکا اجلاس ہوا،چیئرمین این ایچ اے اور سینئر افسران نے وفاقی وزیر مواصلات عبدالعلیم خان کو اہم امور پر بریفنگ دی۔
اجلاس میں سکھرحیدرآبادموٹر وے کےکام کا اس سال مئی میں آغاز کرنیکافیصلہ کیا گیا،اجلاس میں حیدرآبادکراچی موٹر وے کی فیزیبلٹی پر بھی غور کیا گیا۔
وفاقی وزیرمواصلات عبدالعلیم خان نےافسران کوفوری اقدامات کی ہدایت دیتےہوئےکہا ساری نظریں سکھرحیدرآباد موٹر وے پرہیں،حیدرآباداور کراچی کی موٹرویزپبلک پرائیویٹ پارٹنرشپ کے تحت مکمل کریں گے۔
عبدالعلیم خان نے کہاسیالکوٹ کھاریاں موٹروے کو4 کی بجائے اب6 لین کا بنا رہے ہیں،موٹروے کو کرتار پور سے منسلک کریں گے،سکھ مذہبی ٹورازم کے فروغ کے لیے کینیڈا،امریکہ اور یورپ میں ” روڈ شو” کریں گے، موٹر ویز کو قابل عمل اور مفید بنانے کے لیے بڑے شہروں سے جوڑا جائے، نئی موٹرویز آج کیلئے نہیں آئندہ 30 برسوں کی ضروریات کے مطابق بنائیں گے۔
اس کے علاوہ سیالکوٹ،کھاریاں موٹروے ایم 12 کی اب تک کی پیشرفت پروفاقی وزیرمواصلات کو بریفنگ دی گئی،اجلاس میں این ایچ اے کے “رائٹ آف ویز”کیلئے اشتہارات اوردیگر امور بھی زیر غور آئے۔
.
ذریعہ
ذریعہ: Daily Mumtaz
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے