انسانوں کے صرف 5 نہیں 33 حواس، نئی تحیق نے صدیوں پرانا تصور چیلنج کردیا
اشاعت کی تاریخ: 10th, February 2026 GMT
سائنس دانوں کی ایک نئی تحقیق نے انسانی حواس سے متعلق صدیوں پرانے تصور کو چیلنج کر دیا۔
یہ بھی پڑھیں: خوشی، محبت و دیگر جذبات کے ہارمونز کونسے، یہ ہمارے دماغ پر کیسے حکومت کرتے ہیں؟
ارسطو کے بیان کردہ پانچ بنیادی حواس کے برعکس تحقیق کے مطابق انسانوں میں حواس کی تعداد 22 سے 33 تک ہو سکتی ہے۔
تحقیق میں بتایا گیا ہے کہ انسان روزمرہ زندگی میں مسلسل کثیر حسی (ملٹی سینسری) معلومات حاصل کرتا ہے جو اس بات کی نشاندہی کرتی ہیں کہ انسانی حسی نظام کہیں زیادہ پیچیدہ اور باہم جڑا ہوا ہے۔
حواس الگ الگ نہیں بلکہ باہم مربوطماہرین کے مطابق انسانی حواس آزادانہ طور پر کام نہیں کرتے بلکہ ایک دوسرے پر اثر انداز ہوتے ہیں۔
مزید پڑھیے: کیا سردیاں رومانس کا موسم لے آتی ہیں، اس دوران رومانٹک موڈ کے پیچھے کیا سائنس ہے؟
انسان جو دیکھتا، سنتا، سونگھتا اور محسوس کرتا ہے وہ سب مل کر دنیا کے بارے میں مجموعی تاثر تشکیل دیتے ہیں۔ مثال کے طور پر کسی شے کی خوشبو اور ساخت دیکھے بغیر بھی اس کے بارے میں ایک تصور قائم کر سکتی ہے۔
حواس خمسہ (5 حواس) سے آگےآکسفورڈ یونیورسٹی کی کراس موڈل لیبارٹری سے وابستہ پروفیسر چارلس اسپینس کے مطابق انسانی جسم میں کئی ایسے حسی نظام بھی موجود ہیں جو روایتی 5 حواس میں شامل نہیں کیے جاتے۔ ان میں پروپریو سیپشن، انٹروسیپشن، ویسٹی بیولر سسٹم اور ایجنسی و اونرشپ شامل ہیں۔
پروپریوسیپشن: جسم کے مختلف حصوں کی پوزیشن اور حرکت کا شعور فراہم کرتا ہے۔
مزید پڑھیں: کون سی 5 عادات اختیار کر کے آپ 97 فیصد لوگوں سے بہتر بن سکتے ہیں؟
انٹروسیپشن: جسم کے اندرونی احساسات جیسے بھوک، پیاس یا دل کی دھڑکن کو محسوس کرنا۔
ویسٹی بیولر سسٹم: توازن کا احساس، جو کان کے اندر موجود نالیوں کے ذریعے کنٹرول ہوتا ہے اور بصری تاثر کو بھی متاثر کر سکتا ہے جیسے جہاز کے ٹیک آف کے دوران کیبن کا مختلف محسوس ہونا۔
ایجنسی اور اونرشپ: یہ احساس کہ جسم کے اعضا آپ کے اپنے ہیں اور ان کی حرکت آپ کے کنٹرول میں ہے۔
تحقیق میں یہ بھی واضح کیا گیا ہے کہ ذائقہ صرف زبان پر موجود حس سے نہیں بنتا بلکہ اس میں سونگھنے، چھونے اور چکھنے کی حسیات شامل ہوتی ہیں۔
گسٹیٹیشن بنیادی ذائقوں جیسے میٹھا، نمکین، کھٹا، کڑوا اور اُمامی (یہ وہ ذائقہ ہے جو گوشت، پنیر، ٹماٹر اور سویا سوس جیسے کھانوں میں محسوس ہوتا ہے) کو محسوس کرتا ہے جبکہ خوشبو ذائقے کے احساس میں سب سے بڑا کردار ادا کرتی ہے خاص طور پر وہ مہک جو کھانے کے دوران منہ سے ناک تک پہنچتی ہے۔
یہ بھی پڑھیے: ’اسنیکٹویٹی‘: بیماریوں اور قبل از وقت موت کے خطرات ٹالنے والی یہ ترکیب کیا ہے؟
ماہرین کے مطابق آواز بھی ذائقے کے احساس کو متاثر کر سکتی ہے۔ مثال کے طور پر ہوائی جہاز کے شور کی وجہ سے اُمامی سے بھرپور غذائیں، جیسے ٹماٹر کا جوس، دوران پرواز زیادہ ذائقہ دار محسوس ہوتی ہیں۔
یہ تحقیق انسانی حسیات کے بارے میں ہماری سمجھ کو نئے زاویے سے دیکھنے کی دعوت دیتی ہے اور ظاہر کرتی ہے کہ انسان اپنے ماحول کو محسوس کرنے کے لیے کہیں زیادہ حواس استعمال کرتا ہے جتنا ہم اب تک سمجھتے رہے ہیں۔
تاہم ماہرین اس بات پر متفق ہیں کہ انسانی حواس کی درست تعداد کے حوالے سے کوئی حتمی سائنسی اتفاق رائے موجود نہیں۔ مختلف محققین اور مطالعات ’حس‘ کی تعریف کو مختلف انداز میں بیان کرتے ہیں جس کے باعث حواس کی تعداد 10 سے لے کر 30 سے زائد تک بتائی جاتی ہے۔ اس لیے 33 حواس کا تصور ایک حتمی عدد کے بجائے سائنسی تشریح اور درجہ بندی کا معاملہ سمجھا جاتا ہے۔
مزید پڑھیں: بخار دشمن نہیں الارم، اس کو ’بجتے‘ ہی ’بند‘ نہ کریں
ماہرین کا کہنا ہے کہ اس تحقیق کا بنیادی مقصد حواس کی گنتی کے بجائے یہ اجاگر کرنا ہے کہ انسانی حسی نظام روایتی 5 حواس تک محدود نہیں بلکہ ایک پیچیدہ، باہم مربوط اور کثیرالجہتی نظام ہے جو انسان کے ماحول کو سمجھنے اور اس سے تعامل میں اہم کردار ادا کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: کے مطابق کہ انسان حواس کی کرتا ہے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار